Mattiu 21:41 - Tedim Bible Revision 2017

⁴¹ Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Tedim Bible

⁴¹ ‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.

Mattiu 21:41 Referans Kwoze

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasianʼ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Sawltak 28:8

Publiasʼ pa cisa nat leh gilsan thuahin cina-in lupna tungah a lum hi. Paul zong ama lupna ah va pai-in thu ngetsak a, a tungah a khut nga-in a damsak hi.

Sawltak 15:7

Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Zekhariah 13:8

Leitung khempeuh ah, seh thum suah sehnih si dinga, seh khat bek suakta lai ding hi.

Zekhariah 12:12

Gam sung khempeuh ah a inn kuankuanin dahin kap ding uh hi. Davidʼ suanlekhakte sung panin a inn kuankuanin kapin, a zite uh zong a tuam mahin kap ding uh hi. Nathanʼ suanlekhakte zong a inn kuankuanin kapin, a zite uh zong a tuam mahin kap ding uh hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Late 2:9

Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

Isaiah 65:15

Keima teel mite in samsiatna-in na min uh zang ding uh a, Topa Pasian in note hong that ding hi. Ahih hangin ama nasemte pen min dang a phuah ding hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Mattiu 21:40

Tua ahih ciangin leenggah lo nei pa hong pai ciangin a lo khawhlawhte bangci bawl ding ahi hiam?” ci-in a dong hi.

Luka 20:16

Amah hong pai-in hih lo khawhlawhte that dinga, midangte khawhlawhsak ding hi,” a ci hi. Amaute in hih thu a zak uh ciangin, “Hih bangin piang kei tapeuh hen,” a ci uh hi.