Mattiu 21:34 - Tedim Bible Revision 2017

³⁴ Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Tedim Bible

³⁴ A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Mattiu 21:34 Referans Kwoze

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Mattiu 22:3

Mopawi siim dingin a khoh sa mite a sam dingin a nasemte sawl a, ahi zongin kuamah pai lo hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Mattiu 21:35

Lo khawhlawhte in a nasemte na manin khat na sat gawp uh a, khat na thatin, khat suang tawh na deng gawp uh hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah ding teng eite in la ni,’ a kici uh hi.

Mattiu 21:40

Tua ahih ciangin leenggah lo nei pa hong pai ciangin a lo khawhlawhte bangci bawl ding ahi hiam?” ci-in a dong hi.

Mattiu 21:41

Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Marka 12:1

Tua ciangin Jesu in amaute kiangah thu gentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Marka 12:7

Ahi zongin lo khawhlawhte in, ‘Hih pa pen a gamhluah ding pa ahi hi. Pai un; amah va that huan ni; tua hileh hih ama luah ding gamh eima aʼ suak ding hi,’ a kici uh hi.

Marka 12:9

“Tua ahihleh lo nei pa in bangci bawl ding ahi hiam? Amah hong pai-in lo khawhlawhte that dinga, a lo, midangte a khawhlawhsak ding hi.

Luka 20:9

Tua ciangin Jesu in mite kiangah thu gentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sau veipi a tam hi.