Mattiu 21:13 - Tedim Bible Revision 2017

¹³ Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktaakna phualpi na suaksak uh hi,” a ci hi.

Tedim Bible

¹³ “Ka inn in thungetna inn a kici ding hi,’ ci-in Lai Siangtho sungah a kigelh hangin, note in guta buluhte omna na piangsak tazen uh hi,” a ci hi.

Mattiu 21:13 Referans Kwoze

Jeremiah 7:11

Ka min tawh a kilo hih biakinn noʼ ngaihsutna ah mi suam mi buluhteʼ bukna mun bangin ngaihsun na hi uh hiam? Keimah in noteʼ hih khempeuh kong mu khin hi, Topa in kong ci hi.

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

Luka 19:46

“‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutateʼ bukna phualpi na suaksak uh hi,” ci-in amaute kiangah a gen hi.

Marka 11:17

Tua ciangin mite kiangah thu hilh a, “Ka inn pen mi khempeuh adingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhteʼ bukna mun na suaksak uh hi, ci-in thu a hilh hi.

Late 93:5

Na thupiaknate kip mahmah hi. Topa aw, sianthona pen a tawntungin na inn tawh a kilawm ahi hi.

Johan 15:25

Amauteʼ Thukham sungah, ‘Thu om lopi-in kei hong mudah uh hi,’ ci-in a kigelhna thu a tun theih nadingin a hici mah ding ahi hi.

Mattiu 2:5

Amaute in, “Kamsang pa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua ah suak ding hi,” ci-in a dawng uh hi.

Luka 19:45

Tua ciangin biakinn sungah Jesu lutin a sunga om sumbukte hawlkhiat ding kipan a,