Mattiu 20:20 - Tedim Bible Revision 2017

²⁰ Tua ciangin Zebedi tate James le Johanʼ nu, a ta tegel tawh Jesu kiangah hong pai-in a mai ah khukdinin hong thum hi.

Tedim Bible

²⁰ Tua lai takin Zebedi’ tapate, a nu leh a tate tawh Zeisu kiangah paikhawm uh a, thu khat a ngen uh hi.

Mattiu 20:20 Referans Kwoze

Mattiu 8:2

Tua laitakin miphak khat hong pai-in ama mai ah hong khukdin a, “Topa aw, nong damsaknop nakleh nong damsak thei ding hi,” a ci hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Mattiu 27:56

Tua numeite lakah Magdala khuami Mary, James le Josefʼ nu Mary le James le Johanʼ nu ahi, Zebediʼ zi, a kihel uh ahi hi.

Marka 15:40

Jesu a gal et numei pawl khat zong a om hi. Tuate lakah Magdala khuami Mary, a nau zaw James le Josefʼ nu Mary le Salome ahi uh hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Mattiu 28:17

Amaute in Jesu a muh uh ciangin bia uh a, ahi zongin pawl khat in um zo taktak lo uh hi.

Mattiu 15:25

Ahi zongin tua nupi hong pai-in Jesuʼ mai ah khukdin a, “Topa aw, kei hong huh in,” a ci hi.

Mattiu 14:33

Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Mattiu 10:2

Tua sawltak sawm le nihteʼ min in: A masa-in Simon (Peter zong a kici pa) le a naupa Andru, Zebediʼ tapa James le a naupa Johan,