Mattiu 20:11 - Tedim Bible Revision 2017

¹¹ A sum a san uh ciangin lo nei pa tungah phun uh a,

Tedim Bible

¹¹ Amaute in a ngah khit uh ciangin, inn teekpa a gensia uh hi.

Mattiu 20:11 Referans Kwoze

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Luka 19:7

Hih thu a thei mi khempeuh phun uh a, “Mimawh paʼ inn ah a giak dingin Jesu a pai hi,” a ci uh hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paulʼ thugente a man lopi hi, ci-in Paul a gen sia uh hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 5:30

Amaute sung panin Farisi mite le Thukham hilh siate pawl khat nungzuite tungah phun uh a, “Bang hangin siahdongte le mawhneite tawh an nekhawm tui dawn khawm na hi uh hiam?” ci-in a dong uh hi.

Mattiu 20:10

A kuan masa pente, ni tha sang dingin hong pai uh ciangin a dangte sangin tam ngah zaw ding ci-in amau kilamen napi-in amaute zong ngun peek khat ciat mah kipia veve hi.

Mattiu 20:12

‘A nunungte in nai khat sung bek sem napi-in, sun thapai-in nisa thuakin na a sem kote tawh na kikimsak hi,’ a ci uh hi.

Marka 14:5

Kizuak le ngun peek za thum val kikhawng dinga, a sum mizawngte tungah kipia thei ding hi,” ci-in nakpi takin tua numei a mawhsak uh hi.

Johan 6:41

Jesu in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

Johan 6:61

Ahi zongin Jesu in hih thu ah a nungzuiteʼ phunna thei ahih manin, “Hih ka thugenna in note hong lungkiasak ahi hiam?