Mattiu 2:3 - Tedim Bible Revision 2017

³ Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Tedim Bible

³ Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Mattiu 2:3 Referans Kwoze

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesu thokik hi, ci-in mite kiangah thu hilh uh ahih manin nawngkai a sa uh hi.

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Mattiu 2:4

Tua ahih manin Herod in siampi liante le Thukham hilh siate khempeuh kaikhawm a, “Koi lai ah Khris suak ding ahi hiam?” ci-in a dong hi.

Mattiu 24:6

A nai, a gamla ah gal kidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Marka 13:7

A gamla a gal kidona thute le a nai-a gal kidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

2 KUMPI NIHNATE 6:11

Tua ciangin hih thu hangin Syria kumpipa nakpi takin patau hi. Amah in a nasemte samin amaute kiangah, “Eite sung panin Israel kumpipa lamah a pangsim mipa hong gen lo ding na hi uh hiam?” a ci hi.