Mattiu 2:10 - Tedim Bible Revision 2017

¹⁰ Tua aksi a muh uh ciangin a lungdamna uh kigen thei lo hi.

Tedim Bible

¹⁰ Mipilte in tua aksi a muh uh ciangin nuam mahmah uh a,

Mattiu 2:10 Referans Kwoze

Late 105:3

Ama min siangtho hangin lungdam unla, Topa a zong mite lungdam tahen.

Luka 2:20

Tuucingte zong ciahkik uh a, amaute tungah a kigen sa bangin a zak sa le a muh sa uh thute hangin Pasianʼ min a phat uh hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thu thak hoih khat note ading ka hong puak hi.

Late 67:4

Miteʼ thu a manin khenin, leitung minamte khempeuh lamlakin makai na hih manin, minamte nuamin lungdamna la hong sak ta uh hen.

Thu-hilhkikna 32:13

“Amah in leitung a sangna ah amaute tuangsak a, amaute in gamlak pan a piangte a ne uh hi. Suangpi panin amaute khuaizu hupsakin, meisuang tawh a kibang suang panin sathau a nesak hi.

Mattiu 2:9

Amaute in kumpipaʼ vaikhak thu teng a zak khit uh ciangin paikhia uh a, nisuahna lamah a muh uh aksi mah, lam a pai laitakun mu uh a, naungek omna tung san tak a tun matengin amaute mai ah tua aksi na pai hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.