Mattiu 2:1 - Tedim Bible Revision 2017

¹ Herod in Judea gamah kumpi a sep hun laitakin tua gam sung Bethlehem khua ah Jesu a suak hi. A suah khit phetin aksi thu lamsang a siam mi pawl khat, nisuahna lam panin Jerusalem ah hong tung uh a,

Tedim Bible

¹ Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Mattiu 2:1 Referans Kwoze

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Johan 7:42

Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Mattiu 2:5

Amaute in, “Kamsang pa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua ah suak ding hi,” ci-in a dawng uh hi.

Mattiu 1:25

Ahi zongin tua tapa a suah hun dongin a zi luppih lo a, a suah ciangin a min dingin Jesu a phuak hi.

Luka 2:15

Vantung mite vantungah a ciahkik khit uh ciangin tuucingte in, “Bethlehem khua ah pai-in, Topaʼ hong gen hih thupiang va en ni,” a kici uh hi.

Luka 1:5

Judea gam a hong uk sawn kumpi Herod hun laitakin siampi Abijahʼ pawlteʼ sung panin Zekhariah minnei siampi khat a om hi. A ziʼ min Elizabeth hi a, amah zong Aaronʼ suan ahih manin siampi nam mah ahi hi.

1 KUMPI MASATE 4:30

Solomonʼ pilna in nisuahna lam mi khempeuh le Egypt pilna khempeuh khum let hi.

Piancilna 25:6

Ahih hangin Abraham in a zi dang tawh a tate tungah zong letsong pia a, ama nuntak lai mahin ama tapa Isaac kiang panin nisuahna lam gamah amaute a sawl khia hi.

Mattiu 2:19

Herod a sih khit ciangin Egypt gam a om Josef kiangah Topaʼ vantungmi khat hong kilang a,

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Piancilna 10:30

Amauʼ teenna gam pen Mesha panin kipanin Sefar lamah nisuahna gam mual tung dong ban hi.

JOB (Job) 1:3

Amah in tuu tul sagih, kalaoh tul thum, bawngtal kap za nga, lapi za nga le nasem tampi tak a nei hi. Tua ahih manin nisuahna gam sungah Job a hau pen khat ahi hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amauteʼ kiangah a mang gen a, ahih hangin Faroʼ tungah a khiatna a gen thei kuamah om lo hi.

Thukhente 17:7

Tua hun laitakin Judah gam Bethlehem khua sungah Levi mi tangval khat om hi.

Mattiu 2:7

Tua ciangin Herod in tua mipilte sam sim a, aksi a kilat hun teltakin a dot khit ciangin,

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

1 KHANG TANGTHU MASATE 2:51

Bethlehem khuapi a sat Shalma le Beth-gader khuapi a sat Haref ahi uh hi.