Mattiu 19:24 - Tedim Bible Revision 2017

²⁴ A dang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baih zaw lai hi,” a ci hi.

Tedim Bible

²⁴ Khatvei kong cih kikinah, sai khat in phim bil vangah a khumhak sangin, sumhau mite in Pasian’ Gam sungah lut nading a haksa zaw hi,” ci-in a nungzuite kiangah a gen hi.

Mattiu 19:24 Referans Kwoze

Johan 5:44

Pasianʼ pahtak theih nading hanciam nuam loin, note khatlekhat na kiphat theih nading uh a hanciam miteʼ thugen, a bang hangin um zawsop na hi uh hiam?

Luka 18:25

Pasianʼ Ukna sungah mihau khat a lut ding sangin phim bilvang sungah kalaoh khat a lut ding baih zaw lai hi,” a ci hi.

Mattiu 19:26

Ahi zongin Jesu in amaute enin, “Mihingteʼ hih zawh ding hi lo mah hi; ahi zongin Pasian in na khempeuh hih thei hi,” a ci hi.

Jeremiah 13:23

Ethiopia mi vomte in a vun uh khek thei a, kamkei in a gial khek thei ahi hiam? A khek theih uh leh siatna bawl ding a zongsang khin note in zong a hoih na bawl thei ding uh hi.

Mattiu 23:24

A makai ding hi napi-in, mittaw bangin bangmah tum loteng thupi ngaihsutin, a thupi teng na nusia kha uh a, tui tawh na dawn khop khak loh nadingun thovai khaih napi-in kalaoh a nawmvalh kha tawh na kibang uh hi.

Mattiu 19:25

Nungzuite in hih thu a zak uh ciangin lamdang sa mahmah uh a, “Kua in hotkhiatna ngah zo ding ahi hiam?” a ci uh hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.