Mattiu 18:6 - Tedim Bible Revision 2017

⁶ “Ahi zongin kei a hong um hih naupangnote khatpeuh a khialsak mi pen a ngawng ah an gawina suang lianpi khat kikhihin tuipi thuk sungah kikhia suk le ama adingin hoih zaw thampek ding hi.

Tedim Bible

⁶ “Kei hong um hih naupang khat a puksak mi peuhmah in, a ngawng ah an gawina suang lian khat khih-in, tuipi thuk sungah a tumcip leh, amah ading a hoihzaw ding hi.”

Mattiu 18:6 Referans Kwoze

Marka 9:42

Jesu in, “Mi khatpeuh in kei hong um hih naupang no khat a khialsak ding ahihleh a ngawng ah an gawina suang lianpi khat kikhihin tuipi sungah kikhia leh ama adingin hoih zaw thampek hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Late 105:15

“Ka sathau nilhte su kha kei un; ka kamsangte tungah siatna bawl kei un,” ci hi.

ROM (Romans) 14:21

Midangte in a puk lawh theih annekna, zunekna le na khat peuhpeuh i kikep ding a man pen ahi hi.

Zekhariah 2:8

Hih bangin maang ka muh khit ciangin, ama miteʼ na a sut gawp minam dangte kiangah thu a gen dingin Vanglian Topa in kei hong sawl a, Topaʼ mite a su mi peuhpeuh in a mitnauta bangin a manpha pen khat a su ahi hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Na hong bawlsiat Jesu ka hi hi.

Mattiu 17:27

Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.