Mattiu 18:35 - Tedim Bible Revision 2017

³⁵ “Tua mah bangin note in zong na lungsim uh ah na sanggamte uh mawhna na maisak nop kei uh leh vantungah a om ka Pa in note tungah zong tua bangmahin a hong bawl ding ahi hi,” a ci hi.

Tedim Bible

³⁵ Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

Mattiu 18:35 Referans Kwoze

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

Paunak 21:2

Na gamtatna khempeuh nangmah in man na sak hangin Topa in na lungsim tawng a et telna phawk in.

Paunak 21:13

Mizawngteʼ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Jeim 3:14

Ahi zongin na lungsim uh ah enna, gitlohna le huaihamna a om leh a zuaugen na hi uh a, pil ing, ci-in kisialh nading bangmah om lo hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

Zekhariah 7:12

Amaute in a lungsim uh suangtum bangin saksak uh a, Vanglian Topa in tanglai kamsangteʼ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Mattiu 18:34

Kumpipa zong a heh suak ahih manin a leiba khempeuh a loh khit matengin thong sungah a kikhum nadingin thu a pia hi.

Marka 11:26

(Midangteʼ mawhna na maisak kei uh leh vantungah a om na Pa un noteʼ mawhna zong hong maisak lo ding hi,” ci-in a dawng hi.)