Mattiu 18:28 - Tedim Bible Revision 2017

²⁸ “Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Tedim Bible

²⁸ Ahih hangin, tua nasempa paikhia a, ama dangka zakhat a ba, ama lawmpa’ nasem khat a muh ciangin a gawl meekin, ‘Na leiba hong loh in,’ a ci hi.

Mattiu 18:28 Referans Kwoze

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo ah na a sem dingin pawl khat a kuansak hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sauvei zo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amauʼ leitang panun ka mite not khia nawn kei un. Topa Pasian keimah in hih thu kong gen hi.

Thu-hilhkikna 15:2

Maisak nading zia in: Leitawi a pia mi khempeuh in a veengte tungah leitawi a a piak sate maisak ding hi. Topaʼ maisakna thu kigen khin ahih manin a veengpa, a sanggampaʼ tung pan kuamah in leiba siik nawn lo ding hi.

Isaiah 58:3

“Kote in an tang napi-in bang hangin kote hong phawk lo na hi hiam? Kote kiniamkhiatin om napi-in bang hangin kote hong thei kha lo na hi hiam?” hong ci uh hi. Note in an na tan uh ciangin nomauʼ deihna na zong uh a, na nasemte uh na nengniam uh hi.

Nehemiah 10:31

Hih mite in Sabbath ni-in van ahi a, an ahi zongin hong zuak leh Sabbath ni le ni siangtho khat peuhpeuh ni-in i lei kei ding hi. Kum sagihna-a an piangte nusia-in tua kumin leiba khempeuh i maisak ding hi.

Nehemiah 5:7

Kei zong hih thu limtakin ka ngaihsun a, tua ciangin uliante le thukhente taii-in amaute kiangah, “No le no leiba manin salin na kila uh hi,” ka ci hi. Amaute nakpi takin taii-in,

Paunak 28:3

Mizawngte a bawlsia aana a nei mipa pen lo-a ante a susia gawp guahzu tawh kibang hi.

Mattiu 18:27

Kumpipa in khasiathuai sa ahih manin a leiba teng maisakin a khah hi.

Mattiu 18:29

A nasep pih pa zong a mai ah bokin hong thum a, ‘Hong ngak lai in; ka hong loh ding hi,’ a ci hi.

Marka 6:37

Ahi zongin Jesu in, “Amauteʼ nek ding bang khat peuhpeuh pia un,” a ci hi. A nungzuite in, “Ngun peek za nih tawh anlum va lei-in amauteʼ nek dingin pia ding ka hi uh hiam?” ci-in a dong uh hi.

Marka 14:5

Kizuak le ngun peek za thum val kikhawng dinga, a sum mizawngte tungah kipia thei ding hi,” ci-in nakpi takin tua numei a mawhsak uh hi.

Luka 7:41

Jesu in, “Lei a ba mi nih om hi. Khat in ngun peek za nga ba a, a khat in sawm nga ba hi.

Luka 10:35

A zingsang ciangin zintun inn nei pa kiangah sum peek nih pia a, ‘Hih mipa limtakin na khoi in. Na beina dang khempeuh, kong paikik ciangin kong loh ding hi,’ ci hi.

Johan 6:7

Filip in, “Ngun peek za nih tawh an i lei hangin tawmno bekin cing pan ding uh hi,” ci-in a dawng hi.