Mattiu 18:24 - Tedim Bible Revision 2017

²⁴ Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Tedim Bible

²⁴ A ciamtehna lai a et lai takin, talen tulsawm a ba nasempa khat a mai-ah hong paipih uh hi.

Mattiu 18:24 Referans Kwoze

Late 38:4

Bang hang hiam cih leh ka mawhnate in ka lu dong hong tuum zo a, keima puak dingin a gik lua van gik tawh kibang hi.

Luka 16:5

Tua ahih manin a topaʼ sum a bate khatkhatin sam a, a masa pen pa kiangah, ‘Ka topa tungah bangzah ba na hi hiam?’ a ci hi.

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Late 40:12

Bang hang hiam cih leh a malin sim zawh loh ding siatna tampite in kei hong umcih a, khua a hong musak thei lo zah dong dingin ka mawhna thaman ka thuak khinta hi. Amaute ka sam mal sangin tam zaw uh a, ka lung in a lel ta hi.

Ezra 9:6

“Ka biak Pasian aw, ka mawhnate un ka lu dawn dong uh hong vuknelhin vantung dong ban to ahih manin nangma lam kong et ding maizumin ka mai a san hi, ka Pasian aw.

Luka 16:7

Tua ciangin a dang khat pa kiangah, ‘Nang bangzah ba na hi hiam?’ ci-in a dot ciangin, ‘Mangbuh seu za khat ba ing,’ ci hi. Tua ciangin amah in, ‘Na leibatna lai va la in,’ ci hi; tua ciangin, ‘Na leiba om lai seu sawm giat hi. Seu sawm giat, ci-in ciamteh in,’ ci hi.

1 KHANG TANGTHU MASATE 29:7

Amaute in Pasianʼ biakinn nasep nadingin kham talen tul nga le kham darik tul sawm, ngun talen tul sawm, sumngo talen tul sawm le tul giat le sik talen tul za khat a pia uh hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipaʼ hihna zia tawh kibang hi.

Mattiu 18:25

Tua nasem pa in a sum loh zo lo ahih manin amah a kipan a zi a tate le a neih khempeuh zuakin a leiba a loh nadingin kumpipa in thu a pia hi.

Mattiu 25:15

Amauʼ siamna tawh kizui-in khat tungah tul nga, khat tungah tul nih, khat tungah tul khat a ap khit ciangin a zin khia hi.

Mattiu 25:16

Tul nga a ngah pa in sum bawlna-in zang pah a, a meet tul nga mah a ngah thuah hi.

Mattiu 25:20

Tul nga a ngah pa in a dang tul nga mah hong tawithuah in, ‘Topa aw, kei tungah tul nga nong ap hi. Hih lai ah tul nga mah ka meetsak hi,’ hong cih ciangin

Mattiu 25:22

Tua ciangin tul nih a ngah pa zong hong pai-in, ‘Topa aw, kei tungah tul nih nong ap hi. Hih lai ah tul nih mah ka na meetsak hi,’ hong cih ciangin

Mattiu 25:24

Tul khat a ngah pa zong hong pai-in, ‘Topa aw, nang pen na sep loh na bawl lohnapi ah na a deih, mi genhak mahmah na hihna ka hong thei hi.

Piancilna 44:10

Amah in, “Na cih bang uh hi tahen: A kimuhna penpen pa ka sila hi dinga, no a dang teng mawh na baang kei ding uh hi,” a ci hi.