Mattiu 18:22 - Tedim Bible Revision 2017

²² Jesu in, “Sagih vei ciang bek maisak in kong ci kei hi. Sawm sagih mun sagih vei maisak in kong ci hi.

Tedim Bible

²² Zeisu in, “Sagih vei dong maisak in kong ci kei hi. Sawm sagih mun sagih vei dongin maisak in kong ci hi.

Mattiu 18:22 Referans Kwoze

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Efesa 4:31

Kimuhdahna, hehna, thangpaihna, kitotna, kikona, kilungsim neihna khempeuh beisak unla,

Piancilna 4:24

Kain a kithah manin a zah sagihin kithukkik ahihleh, Lamek a kithah manin a zah sawm sagih le sagihin kithukkik taktak ding hi,” a ci hi.

ROM (Romans) 12:21

Tua ahih manin gitlohna kizosak kei unla, a pha gamtatna tawh gitlohnate a zo na hi ta un.

Micah 7:19

Kote nong khasiatkik dinga, ka mawhnate uh hong sawp khiatsakin, tuipi taw ah nong paihsak ding hi.

Efesa 4:26

Na heh uh ciangin, tua hehna hangin khial kha kei unla, a tawntungin heh paisuak kei un.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipaʼ hihna zia tawh kibang hi.