Mattiu 18:10 - Tedim Bible Revision 2017

¹⁰ “Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Tedim Bible

¹⁰ “Note in hih naupangte khatpeuh mah na simmawh loh nadingun na kikeem un.

Mattiu 18:10 Referans Kwoze

Late 91:11

Bang hang hiam cih leh nangmah a hong cing dingin amah in ama vantungmi nang hong kemsak ding hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Late 34:7

Amah a zahtakteʼ kiimah Topaʼ vantungmi in giahphual sat a, amaute a hon khia hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Luka 1:19

vantungmi in dawng a, “Kei pen Pasianʼ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 18:6

“Ahi zongin kei a hong um hih naupangnote khatpeuh a khialsak mi pen a ngawng ah an gawina suang lianpi khat kikhihin tuipi thuk sungah kikhia suk le ama adingin hoih zaw thampek ding hi.

Mattiu 2:19

Herod a sih khit ciangin Egypt gam a om Josef kiangah Topaʼ vantungmi khat hong kilang a,

Mattiu 2:13

Tua mipilte a ciah khit uh ciangin Josefʼ mang sungah Topaʼ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

1 KORIN MASA 11:22

Hih bangin na gamtat uh, anletui na nek nading uh inn nei lo na hi uh hiam? Tua ahih kei leh Pasianʼ pawlpi simmawh bawlin pawlpi mizawngte na maizumsak nopna uh ahi hiam? Hih thu tawh kisai ah hong pakta ding nong sak uh leh note ka hong pakta het kei hi.

1 KORIN MASA 16:11

Kuamah in na simmawh bawl kha kei unla, kei kiang a hong tunkik theih nadingin nuam takin a khualzin a hong zoptheih nadingin na huh un. Thu up pih i sanggam dangte tawh kei kiangah a hong pai dingin ka lamet ahi hi.

ROM (Romans) 14:10

Tua ahihleh bang hangin na Khristian pihte uh tungah thu khen a, bang hangin simmawh bawl thei na hi uh hiam? Thukhenna a thuak dingin Pasianʼ mai ah eite khempeuh a ding ciat ding ihi hi.

Sawltak 27:23

Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

Sawltak 12:23

Herod in mite, Pasian phatsak loin amah phatsak ahih manin thakhatin Topaʼ vantungmi in Herod cinasak a, a hut in amah netumin a si hi.

Sawltak 12:15

Amaute in, “A hai hi teh!” na cih san lel uh hi. Ahi zongin amah in, “Peter a om taktak mah hi,” a cih teitei ciangin amaute in, “Amah a cing vantungmi hi ding hi,” ci-in a dawng uh hi.

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Late 17:15

Kei ka hih leh, thumanna tawh na maitang ka en dinga, ka khanlawh ciangin nangma mel muhna tawh ka lungkim ding hi.

Late 15:4

migilote thusim lo a, ahi zongin Topa a zahtakte a pahtawi mi, ama nat nading nangawn ah a ciampel lo mi,

1 KUMPI MASATE 22:19

Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

1 TIMOTI MASA 4:12

Khangno lai na hihna thu hangin miteʼ simmawh dingin na om kei inla, kampauna, gamtatna, itna, upna le sianthona ah thu um miteʼ etteh dingin na om in.

1 KORIN MASA 9:22

Upna neu mite lakah na ka sep ciangin amaute ka ngah zawh nadingin amaute mah bangin ka gamta hi. Tua ahih manin ahih theihna lam peuhpeuh ah mite ka ngah zawh nadingin mi khempeuhʼ ngeina ka zui hi.

ROM (Romans) 15:1

Upna lamah a thahat eite in upna zawngkhalteʼ ginat lohna i thuakpih ding kilawm hi; eima ut bangin i gamta kei ding hi.

ROM (Romans) 14:21

Midangte in a puk lawh theih annekna, zunekna le na khat peuhpeuh i kikep ding a man pen ahi hi.

Mangmuhna 8:2

Tua ciangin Pasian mai ah a ding vantungmi sagihte ka mu a, amaute tungah peengkul sagih a kipia hi.

Galati 6:1

Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

2 KORIN NIHNA 10:10

Mi pawl khat in, “Paulʼ laigelhte khauhin nasia mahmah a, ahi zongin eite kiangah amah a om ciangin bangmah thupi khol lo hi,” hong ci uh hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

Luka 10:16

Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Mattiu 12:20

Amah in a zawngkhal mite dop bawl dinga, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte pen, leitung khempeuh a etna Topaʼ mittang sagih ahi hi,” hong ci hi.

Esther 1:14

Ama gei nai pen ah a tu mite pen Persia le Media gam ulian sagihte ahi Karshena, Shethar, Admatha, Tarshish, Meres, Marsena le Memukan-te hi uh a, kumpipa kiangah a hawh thei, kumpi gam sungah ulian pente ahi uh hi.

2 SAMUEL NIHNA 14:28

Tua hi a, kumpipaʼ omna ah pai loin Absalom kum nih bit Jerusalem ah teeng hi.

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.