Mattiu 17:20 - Tedim Bible Revision 2017

²⁰ Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Tedim Bible

²⁰ Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Mattiu 17:20 Referans Kwoze

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piang zo ding hi.

Marka 11:23

Upna na neih nak uh leh hih mual kiangah, ‘Na omna panin pai khia-in tuipi sung kidenna in,’ ci le-uhcin, na lungsim sung uh ah uplahna om loin na gen bangun piang taktak ding hi, ci-in na up nak uh leh, na cih bangun hong piang ding hi.

Luka 18:27

Ahi zongin Jesu in, “Mihingteʼ hih zawh loh pen Pasian in hih zo hi,” ci-in a dawng hi.

Luka 1:37

Tua ahih manin Pasian in a bawl theih loh khat zong om lo hi,” ci-in a dawng hi.

Mattiu 21:21

Jesu in, “Note kiangah a mantak a kong genin ah: Note in uplahna nei het loin, upna taktak na neih nak uh leh hih theikung tungah a piang bang na hih theih uh banah, hih mual kiang nangawn ah, ‘Na omna pan pai khia-in tuipi sung kidenna in,’ ci le-uhcin na cih bangun piang ding hi.

Marka 9:23

Jesu in, “Bang hangin na hih theih leh, ci na hi hiam? A umte adingin na khempeuh hi thei hi lo ahi hiam?” a ci hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Mattiu 13:31

Tua ciangin Jesu in thu gentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Johan 11:40

Jesu in, “Na up nakleh Pasianʼ vangliatna na mu ding hi, ci-in hong gen khin hi lo ka hi hiam?” a ci hi.

Marka 4:31

Leitung a om khaici khempeuh lakah a neu penpen ankam tang tawh kibang hi. Mi khat in tua ankam tang lei ah vawh a,

Hebru 3:19

Tua ahih manin a up lohna uh hangin tawlngakna munah a lut zawh lohna uh i thei hi.

Mattiu 17:17

Jesu in, “Upna nei lo, a ngaihsun khial mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

1 KORIN MASA 12:9

A dang khat tungah upna hong guan a, a dang khat tungah cina damsak theihna hong guan hi.

Mattiu 17:9

Mual tung panin amaute a ciah suk laitakun Jesu in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 8:26

Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Mattiu 17:19

Tua ciangin amau guak a om laitakun nungzuite in Jesu kiangah, “Bang hangin kote in tua dawi hawl khia thei lo ka hi uh hiam?” ci-in a dot uh ciangin

Marka 11:22

Jesu in amaute kiangah, “Upna nei un.

Mattiu 14:29

Jesu in, “Hong pai in,” a cih ciangin Peter zong gunkuang tung panin kum khia a, Jesuʼ omna lam manawhin tui tungah a pai hi.