Mattiu 17:10 - Tedim Bible Revision 2017

¹⁰ Tua ciangin nungzuite in Jesu kiangah, “Bang hangin Thukham hilh siate in, Elijah hong pai masa ding hi, ci uh ahi hiam?” ci-in a dong uh hi.

Tedim Bible

¹⁰ A nungzuite in, “Elijah hong pai masa ding hi,’ ci-in laitheite in bang hangin a gen uh hiam?” ci-in a dot uh leh

Mattiu 17:10 Referans Kwoze

Mattiu 11:14

Tua thu kigen sa na up nop uh leh, a kigenkhol bangin a hong pai ding Elijah a kici pen Tuiphumpa Johan ahi hi.

Johan 1:25

Amaute in Johan kiangah, “Nang pen Khris lah hi lo, Elijah lah hi lo, kamsang lah hi lo na hih leh bang hangin tuiphum mawk na hi hiam?” ci-in a dot uh ciangin

Johan 1:21

Tua ciangin amaute in, “Tua ahihleh kua na hi hiam? Elijah na hi hiam?” a cih uh ciangin, “Ka hi kei hi,” na ci hi. Kamsang pa na hi hiam, ci-in a dot uh ciangin, ka hi kei hi, a na ci leuleu hi.

Marka 9:11

Tua ciangin Jesu kiangah, “Bang hangin Thukham hilh siate in, Elijah hong pai masa ding, ci uh ahi hiam?” ci-in a dong uh hi.

Mattiu 16:14

Amaute in, “Pawl khat in Tuiphumpa Johan hi, hong ci uh hi; pawl khat in Elijah hi, hong ci uh hi; pawl khat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 17:11

Jesu in, “Na khempeuh a bawl khol dingin Elijah hong pai masa takpi hi.