Mattiu 16:28 - Tedim Bible Revision 2017

²⁸ Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Tedim Bible

²⁸ Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 16:28 Referans Kwoze

Luka 9:27

Keʼn kong cih in ah, hih lai ah a om mi pawl khatte in Pasianʼ Ukna a muh khit uh matengin si lo ding uh ahihna phawk un,” a ci hi.

Marka 9:1

Tua ciangin Jesu in a thugen zom lai a, “Hih lai-a a om mi pawl khatte a sih ma-in vanglian pi tawh Pasianʼ Ukna hong tung taktak ding ahihna thu phawk un,” a ci hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Mattiu 10:23

Khua khat ah note hong kibawlsiat leh khua dang khat ah tai un. Note kiangah kong genin ah: Israel khua khempeuh na khit ma-un Mihing Tapa hong pai ding hi.

Luka 2:26

Topaʼ hong ciam sa Khris a muh matengin a sih loh nading thu zong ama tungah Kha Siangtho in na gen khin hi.

Marka 13:26

Tua ciangin Mihing Tapa, vangliatna le minthanna tawh meii lakah a hong pai suk kimu ding hi.

Hebru 2:9

Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Mattiu 24:3

Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Mattiu 24:42

Tua ahih ciangin bang hunin na Topa uh hong pai ding cih thei lo na hih manun na pilvang un.

Luka 18:8

Keʼn kong cih in ah, amauteʼ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a gen thuah hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Mattiu 16:13

Sisaria Filippi gam a tun uh ciangin Jesu in a nungzuite kiangah, “Mite in Mihingʼ Tapa kei kua hi hong ci uh ahi hiam?” ci-in a dong hi.

Mattiu 24:34

A mantak a kong genin ah: Hih lai-a a om mite a sih khit ma-in hih ka thugen khempeuh hong tung ding hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kila to hih Jesu pen, vantungah a pai toh na muh uh bang teekteek mahin khatvei hong pai sukkik ding hi,” a ci uh hi.

1 KORIN MASA 15:23

Ahi zongin tua hinkikna pen ama hun tawh kizui-in a banbanin hi ding hi. A masa penin Khris hi a, Khris hong paikik ciangin ama pawlte khempeuh hingkik ding hi.

Jeim 5:7

Tua ahih ciangin sanggamte aw, Topa hong pai matengin lungduai takin om un. Lokhote in zong a lo panun an a ngah theih nadingun lungduai takin khuapi guah le tuk guah a ngakna thu thei un.

2 PETER NIHNA 1:16

I Topa Jesu Khris a vangliatna le a hong paikik nading thute note kiangah kong gen uh ciangin mihingteʼ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

1 JOHAN MASA 2:28

Ka itte aw, Khris hong kilatkik ciangin lungmuang takin i om theih nading le ama hong pai Ni ciangin i bukbuk loh nadingin amah tawh kip takin kipawl ni.