Mattiu 16:13 - Tedim Bible Revision 2017

¹³ Sisaria Filippi gam a tun uh ciangin Jesu in a nungzuite kiangah, “Mite in Mihingʼ Tapa kei kua hi hong ci uh ahi hiam?” ci-in a dong hi.

Tedim Bible

¹³ Zeisu in Filippi-Kaisaria khua a tun’ ciangin, “Mite in kei, Mihing Tapa kua mi hi hong ci uh hiam?” ci-in a nungzuite a dong hi.

Mattiu 16:13 Referans Kwoze

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Johan 5:27

Amah pen Mihing Tapa ahih manin thu khen theih nading aana ama tungah a pia hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Mattiu 13:37

Jesu in, “Taang ci hoih a vawhpa pen Mihing Tapa ahi hi.

Mattiu 12:8

Bang hang hiam cih leh Mihing Tapa pen Sabbath ni a ukpa ahi hi,” ci-in a dawng hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 7:56

“En un! Vantung kihong a, Pasianʼ tak lamah Mihing Tapa a ding ka mu hi,” a ci hi.

Johan 12:34

Tua ciangin mihonte in, “Khris nungta tawntung ding hi, ci-in Thukham sungah kigen hi. Bang hangin Mihing Tapa kikhai to ding ci na hi hiam? Hih Mihing Tapa kua ahi hiam?” a cih uh ciangin

Marka 10:45

Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangteʼ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 15:21

Tua lai panin Jesu paikhia a, Taia khuapi le Sidon khuapi gam sung tengah a zin hi.

Mattiu 13:41

Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 12:32

Mihing Tapa langpangin a gensiate a mawhna uh kimaisak thei dinga, ahi zongin Kha Siangtho langpangin a gensiate pen tu hun a kipan a tawntungin a mawhna uh kimaisak lo ding hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai dinga,

Johan 1:51

4 Tua ciangin Jesu in, “Keʼn a mantak kong genin ah, vantung a kihong na mu ding uh a, Mihing Tapa le vantung kikalah Pasianʼ vantung mite a kum suk a kah to na mu ding uh hi,” a ci hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.