Mattiu 15:31 - Tedim Bible Revision 2017

³¹ A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Tedim Bible

³¹ Zeisu in cinate a damsak hi. Mi pautheilote a pau thei uh hi; mi cingtak lote a cingtak uh hi; khezawte in lam a pai thei uh hi; mittawte in khua a mu kik thei uh, mihonpite in a muh uh ciangin lamdang a sa uh a, Israel pawlte’ Pasian’ min a phat uh hi.

Mattiu 15:31 Referans Kwoze

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Luka 18:43

Amah in zong thakhatin khua mu thei pah a, Jesu zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Luka 7:16

Amaute khempeuh in lamdang sa mahmah uh a, Pasian min phatin, “Eite lakah kamsang lian khat hong om khinta a, a mite a hon khia dingin Pasian hong pai khinta hi,” a ci uh hi.

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang adingin hoih zaw ding hi.

Mattiu 9:33

Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Johan 9:24

Tua ciangin a mittaw ngei pa mah samkik leuleu uh a, “Pasianʼ mai ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Luka 14:21

Tua ahih ciangin a nasem pa hong ciahin a topa kiangah hih thute hong zasak hi. Tua ciangin innteek pa a heh suak a, a nasem pa kiangah, ‘Khua sung kongzing khempeuh ah va pai inla, mizawng, khe zaw, mittaw le khebai mite hong paipih in,’ ci-in a sawl leuleu hi.

Luka 14:13

Tua bangin anvakna pawi na bawl ciangin mizawngte, khezawte, khebaite le mittawte sam in.

Marka 9:43

Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut lang khat bui-in nuntakna sungah lut lecin nang adingin hoih zaw hi.

Marka 7:37

Amaute in gen zawh loh dongin lamdang sa mahmah uh a, “Hih mipa in sep theih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 2:12

Tua mipa zong amaute khempeuhʼ muhin tho a, a lupna pheek la-in a paikhia pah hi. Amaute khempeuh in lamdang sa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Mattiu 21:14

Biakinn sung Jesu kiangah mittawte le khebaite hong pai uh a, amah in amaute a damsak hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Paikhiatna 24:10

amaute in Israel Pasian mu uh hi. Ama khe nuai ah a sianthona van mel tawh a kibang, sapfaia suangmanpha tawh a kibawl suangphahpek bang pian om hi.

Piancilna 33:20

Tua lai ah amah in biakna tau khat bawl a, El-Elohe-Israel, ci-in min a phuak hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Mattiu 9:32

Tua mi nihte a paikhiat laitakun mi pawl khat in dawi a veina hangin a pau thei lo mi khat, Jesu kiangah a hong paipih uh hi.

Mattiu 15:30

Ama kiangah mihon tampi tak hong pai uh a, khebaite, khezawte, mittawte, a pau thei lote le cina dang tampi, Jesu kiangah hong koih uh hi. Jesu in tuate khempeuh a damsak hi.