Mattiu 15:28 - Tedim Bible Revision 2017

²⁸ Tua ciangin Jesu in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dam pah hi.

Tedim Bible

²⁸ Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Mattiu 15:28 Referans Kwoze

Mattiu 8:13

Tua ciangin Jesu in galkap bupa kiangah, “Na inn ah ciah in. Na up bangin hong piang ding hi,” a ci hi. Tua hun laitak teek mahin a nasem pa a dam hi.

Marka 5:34

Jesu in zong tua nu kiangah, “Ka tanu aw, na upna in nang hong damsak zo hi. Cidam suak inla, lungnuam takin va ciah in,” a ci hi.

Mattiu 9:22

Jesu zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dam pah hi.

Late 145:19

Amah a zahtakteʼ deihna a kicingin tungsak a, amauteʼ kikona zong za-in amaute a hon khia hi.

Mattiu 8:10

Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Luka 17:5

Ni khat, sawltakte in Topa kiangah, “Ka upna uh hong liansak in,” a ci uh hi.

Luka 7:50

Tua ciangin Jesu in numei kiangah, “Na upna in nang hong damsak khinta hi; lungnuam takin va ciah in,” a ci hi.

JOB (Job) 13:15

Pasian in kei hong that mah taleh zong, phamawh ka sa kei hi. Ahi zongin ama mai ah ka thu ka gen veve ding hi.

Luka 7:9

Jesu in hih thu a zak ciangin lamdang sa mahmah a, amah a zui mihonte lamah kihei-in, “Israel mite lak nangawn ah hih bang upna ka mu nai kei hi,” a ci hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Mattiu 14:31

Jesu in zong a khut tawh Peter zamin len a, “Upna cingtaak lopa aw, bangci-a hong tua ci muanlah na hi hiam?” a ci hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Kah la 3:32

Dahna hong thuaksak thei dinga, ahih hangin eite a hong itna muanhuai-in kip tawntung hi.

Mattiu 15:27

Nupi in, “Hi mah hi, Topa aw; a topa sabuai tung panin a kia annengte, ui khawite in zong ne buang hi lo ahi hiam?” a ci hi.