Mattiu 14:33 - Tedim Bible Revision 2017

³³ Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Tedim Bible

³³ Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Mattiu 14:33 Referans Kwoze

Late 2:7

Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Johan 11:27

“Ka um hi, Topa aw; leitungah a hong pai ding Pasianʼ Tapa, Khris na hihna thu ka um hi,” ci-in a dawng hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

ROM (Romans) 1:4

Kha Siangtho thu lamsang ah ci lehang misite lak panin vangliatna tawh a thawhsakkikna hangin Pasianʼ Tapa ahihna thu Pasian in a kilangsak hi.

Marka 1:1

Pasianʼ Tapa Jesu Khris tawh kisai Lungdamna Thu hih bang ahi hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Marka 15:39

Jesuʼ mai ah a ding galkap mangpa in tua bangin kiko-in a laitah a muh ciangin, “Hih pa, Pasianʼ ta taktak ahi hi,” a ci hi.

Mattiu 28:17

Amaute in Jesu a muh uh ciangin bia uh a, ahi zongin pawl khat in um zo taktak lo uh hi.

Mattiu 28:9

Jesu in lampi ah tua numeite na dawntuahin, “Lungnuam un!” ci-in a na hopih hi. Numeite in zong Jesu a khe ah lenin a bia uh hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Johan 19:7

Jew mihonte in, “Amah Pasianʼ Tapa-in kigen ahih manin a kithah theih nading Thukham ka nei uh hi,” ci-in a genna uh

Luka 24:52

Amaute in amah bia uh a, lungdam mahmah in Jerusalem khua ah a ciahkik uh hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Mattiu 15:25

Ahi zongin tua nupi hong pai-in Jesuʼ mai ah khukdin a, “Topa aw, kei hong huh in,” a ci hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Sawltak 8:36

Lampi ah a pai laitakun tui omna mun tung uh a, mangpa in, “Hih lai ah tui om hi. Tui kiphum nuam peuh leng kuaʼn hong kham thei ding ahi hiam?” a ci hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Marka 14:61

Ahi zongin Jesu pau loin a omcip hi. Tua ciangin siampi lianpen pa in, “Phatna a ngah Pasianʼ Tapa, Khris na hi hiam?” ci-in a dongkik leuleu hi.

Mattiu 27:43

Amah in, ‘Kei, Pasianʼ Tapa ka hi hi,’ ci ahih manin, amah in Pasian muanin a nei hi. Pasian in a hot nop leh tu-in hon khia tahen,” a ci uh hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Mattiu 14:32

Gunkuang tungah a kah toh khit uh ciangin huihpi nung a dai hi.