Mattiu 14:3 - Tedim Bible Revision 2017

^3-4 Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupaʼ zi na teenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Tedim Bible

³ Herod in a nau Filip’ zi Herodias thu hangin Johan a matsak khit ciangin, henin, thong sungah a khia hi.

Mattiu 14:3 Referans Kwoze

Marka 6:17

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupaʼ zi na teenpih ding ngeina hi lo hi,” ci-in gen zelzel ahih manin Herodias a heh suak a, galkapte in Johan manin thong sungah a khiat nadingin Herod a vaihawmsak hi.

Mattiu 4:12

Jesu in Johan a kimatna thu a zak ciangin Galilee gam sungah va kihem hi.

Marka 6:22

Tua pawi bawlna sungah Herodiasʼ tanu hong pai-in hong laam a, Herod le a leenglate khempeuh lungdam mahmah uh hi. Tua ahih ciangin kumpipa in, “Bang deih na hiam; na deih peuhpeuh kong pia ding hi,” a ci hi.

Marka 6:19

Tua ahih manin Herodias in Johan mudahin that nuam a, ahi zongin that zo lo hi.

Mattiu 11:2

Tuiphumpa Johan in thong sung panin Jesuʼ nasepnate a zak ciangin Jesu kiangah a nungzuite sawl a,

Luka 13:1

Tua laitakin tua lai-a om mi pawl khat in Jesu kiangah, Galilee mite in Pasian kiangah biakna pia-in a om laitakin Pilat in a thah miteʼ thu a gen uh hi.

Mattiu 14:6

Ahi zongin Herodʼ suah ni pawi bawl hun hong tun ciangin mihonte mai ah Herodiasʼ tanu hong laam ciangin Herod lungdam mahmah ahih manin,

Marka 6:14

Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 8:15

Jesu in, “Farisi-teʼ silngo le Herod pawlteʼ silngo kidawm un,” ci-in a hilh khol hi.

Luka 3:1

Gam tampi a uk Sisar Tiberius in a uk zawh a kum sawm le kum ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Luka 8:3

Herodʼ khutnuai-a ulian Khuzaʼ zi Joanna, Susanna le numei dang tampite hi uh a, amauʼ neihsa tawh Jesu le a nungzuite a huh uh hi.

Luka 13:31

Tua hun laitakin Farisi mi pawl khat hong pai-in Jesu kiangah, “Herod in nang thah hong sawm ahih manin hih lai panin mun dang khat ah paikhia in,” a ci uh hi.

Luka 23:7

Jesu pen Herodʼ ukna sung mi ahih lam a theih ciangin, tua laitakin Herod mah zong Jerusalem ah om ahih manin ama kiangah a paisak hi.

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Sawltak 12:1

Hih hun pawl laitakin Herod Kumpipa in pawlpi mite pawl khat bawlsiat ding kipan hi.