Mattiu 14:27 - Tedim Bible Revision 2017

²⁷ Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Tedim Bible

²⁷ Zeisu in, “Na lungdam ta un; keimah ka hi hi, na lau kei un,” a cih pah leh,

Mattiu 14:27 Referans Kwoze

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Sawltak 23:11

Tua zanin Paul kiangah Topa hong dinga, “Hang takin om in. Hih Jerusalem khua sungah keima thu genin teci na pan mah bangin Rom khuapi ah zong keima thu genin teci na pang ding hi,” a ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Isaiah 41:4

A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

Johan 6:20

Jesu in amaute kiangah, “Keimah ka hi hi; lau kei un,” a ci hi.

Mattiu 17:7

Ahi zongin Jesu hong pai-in amaute va lawng a, “Tho un, lau kei un,” a va ci hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Luka 1:30

Tua ciangin vantungmi in, “Mary aw, lamdang sa-in lunghimawh kei in. Pasianʼ maipha a ngah na hi hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong za khin a, na zi Elizabeth in tapa khat a nei ding hi. A min dingin Johan na phuak ding hi.

Mattiu 28:10

Tua ciangin Jesu in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai ah kei hong mu ding uh hi,” a ci hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thu thak hoih khat note ading ka hong puak hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Mattiu 14:28

Tua ciangin Peter in, “Topa aw, nang na hih takpi leh, tui tung tawnin nang kiangah kei zong hong paisak in,” a ci hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesu a zong na hih lam uh ka thei hi.

Marka 6:50

Bang hang hiam cih leh amah a muh uh ciangin lau mahmah uh hi. Ahih hangin Jesu in thakhatin amaute hopih pah a, “Lungnuamin om un. Keimah ka hi hi; lau kei un,” a ci hi.

Luka 5:10

Tua mah bangin Simonʼ lawmte ahi, Zebediʼ tapa James le Johan-te in zong lamdang a sa uh hi. Jesu in Simon kiangah “Lau kei in. Tu a kipanin ngasa mat bangin mi tampi a man pa na suak ding hi,” a ci hi.

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.