Mattiu 13:57 - Tedim Bible Revision 2017

⁵⁷ Tua ahih manin amah a sang zo kei uh hi. Tua ciangin Jesu in amaute kiangah, “Kamsang khat pen, ama khua, ama behte le ama inn sung longal ah kizahtakin pahtawina a ngah hi,” a ci hi.

Tedim Bible

⁵⁷ Amaute in amah hanginah a lungkia uh hi. Tua ciangin Zeisu in, “Pasian’ kamsangpa in ama khua, ama inn longal mun dangah minthan’na ngah loin om lo hi,” ci-in amaute kiangah a ci hi.

Mattiu 13:57 Referans Kwoze

Johan 4:44

Jesu mahmah in zong, “Kamsang a kuamah peuh ama gamah kipakta ngei lo hi,” ci-in a gen ngei hi napi-in,

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Luka 4:24

Tua ciangin Jesu in a thugen zom lai a, “Keʼn kong cih in ah, kamsang a kuamah peuh ama khua ah kipakta ngei lo hi.

Johan 6:61

Ahi zongin Jesu in hih thu ah a nungzuiteʼ phunna thei ahih manin, “Hih ka thugenna in note hong lungkiasak ahi hiam?

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Johan 6:42

“Hih Jesu pen a nu le a pa i theih hi a, Josefʼ tapa hi lel hi lo ahi hiam? Tua hi napi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Luka 7:23

Kei hong umte pen a lungdamhuai mahmah ahi hi,” ci-in a dawng hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Isaiah 8:14

Amah pen, a lamdang mahmah in a siangthoʼ luatna hangin miteʼ puk theih nading suangtum tawh kibang hi. Judah le Israel kumpi gam mite le Jerusalem khua-a a teeng mite a awk nading thangzak tawh kibang ding hi.

Marka 6:14

Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Mattiu 13:58

Nazareth khua mite in amah a up lohna hangin tua khua ah nalamdang tampi a bawl kei hi.

Marka 6:1

Tua lai panin ama khua Nazareth ah Jesu pai a, a nungzuite in a zui uh hi.

Marka 6:4

Tua ciangin Jesu in amaute kiangah, “Kamsang khat pen, ama khua, ama behte le ama inn sung longal ah kizahtakin pahtawina a ngah hi,” a ci hi.