Mattiu 13:46 - Tedim Bible Revision 2017

⁴⁶ Sumbawl pa in a manpha diak pawl kep khat a muh ciangin ciahpah in a neih khempeuh a zuak khit ciangin tua kep a lei hi.

Tedim Bible

⁴⁶ Tuapa in suang manpha pen a muh ciangin ciah a, a neih khempeuh a zuak khit ciangin tua suang manpha va lei hi.”

Mattiu 13:46 Referans Kwoze

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

Kolose 2:3

Khris pen Pasianʼ pilna le a thuthuk khempeuh a kitheih theih nading ahi hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Mattiu 13:44

“Vantung ki-ukna pen lo lai ah a kiseel sum tawh kibang hi. Mi khat in a muh ciangin limtakin a seel pha hi. Amah lungdam mahmah in a inn ah ciah pah a, a neih khempeuh a zuak khit ciangin tua lo a lei hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Paunak 2:4

Ngun, ahih kei leh a kiseel sum manpha zon bangin, hahkatin pilna zong in.

Mangmuhna 21:21

A kongpi sawm le nihte kep sawm le nih tawh a kibawl hi a, kongpi khat ciangin kep sabit khat ahi hi. A khuapi sung lampite kham citak vive hi a, limlang bangin a sung kimu paisuak thei hi.

Galati 6:14

Ahi zongin keimah in ahihleh, singlamteh tungah i Topa Jesu a sihna thu bek ka kisialh pih ding hi. Bang hang hiam cih leh singlamteh tungah ama sihna hangin kei adingin leitung thute misi bang a, kei zong, leitung thu ah misi mah ka bang hi.

Mattiu 13:45

“Vantung ki-ukna pen sumbawl pa in a zon kep hoih pente tawh zong kibang hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mangmuhna 18:12

A khamte, a ngunte, a suang manphate, a kepte, a puan pakte, a puan sante, a nai puante, a khau sante, a sing namtuite, a sing manphate, a saihate, a sumngote, a sikte, a suangkangte,