Mattiu 13:38 - Tedim Bible Revision 2017

³⁸ Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

Tedim Bible

³⁸ Lo lai in leitung mite hi. Khaici hoih in Gam sung tate ahi uh hi. Tahum tang in gilomi’ tate ahi uh hi.

Mattiu 13:38 Referans Kwoze

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topaʼ thuman pen zuau suahsak ding na hanciam tawntung hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

1 PETER MASA 1:23

A si thei nu le pate sung pan hi loin a si thei lo nu le pate sung panin a nungta tawntung Pasianʼ thu tawh naungek bangin a suakkik na hi uh hi.

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

ROM (Romans) 16:26

Ahi zongin mi khempeuh in Pasian umin a zuih theih nadingin tu-in kamsangteʼ laigelhnate le a nungta tawntung Pasianʼ thupiakna tawh tua thu ki-imcip pen a hong kipholak ta ahi hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Johan 12:24

A mantakin ci lehang, mangbuh hum tang khat leilak ah kituhin si masa kei leh tang khat bek mah hi ngitnget hi; ahi zongin si masa leh tang tampi tak hong nei thei hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 24:14

Tua ciangin mi khempeuh tungah teci ahi dingin Pasianʼ hong ukna hangin a lungdamhuai thu, leitung khempeuh ah kihilh ding hi. Tua khit ciangin beina hong tung ding hi.

Hosea 2:23

Leitungah ka mite kipsakin a cithei-in ka bawl dinga, hehpih loh, a kici mite ka hehpih dinga, ka mi hi lo, a kici mite, ka mi na hi uh hi, ka ci dinga, amaute in, “Nang pen koteʼ Pasian na hi hi,” hong ci ding uh hi, Topa in a ci hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu dinga, ama khan a sau ding hi. Topa’ deihna ama khut sungah pung ding hi.

Late 22:30

A hong khangkik mite in ama na sem ding uh hi. Mite in a hong piang lai ding mite tungah Topaʼ thu gen ding uh a,

Mangmuhna 14:6

Tua ciangin leitungah a teeng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai ah a leeng ka mu hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Mattiu 5:37

Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna ah kilawn khia dinga, tua lai ah kapin a hagawi ding uh hi,” a ci hi.