Mattiu 13:33 - Tedim Bible Revision 2017

³³ Tua ciangin thu gentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Tedim Bible

³³ Thugentehna adang a geninah, “Vantung Gam in numei khat in buhnel seeng thum a tawk khit matengin a sawh, silngo tawh kibang hi,” a ci hi.

Mattiu 13:33 Referans Kwoze

Galati 5:9

Silngo themno khat in annel lom buppi tawk thei hi, na kici hi.

Luka 13:21

Nupi khat in annel lom sungah a sawh silngo tawh kibang hi. Tua silngo in a annel lom khempeuh a pawmsak hi,” a ci hi.

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

JOB (Job) 17:9

Miteʼ zahtak a a kinei mite in amauʼ ngaihsutna uh man mahmah sa semsem uh hi.

Piancilna 18:6

Tua ciangin puanbuk sunga Sarah kiangah Abraham pai mengmeng a, “Annel hoihte lawh thum hong bawl mengmeng inla, meek manin mohin hong bawl in,” a ci hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Filippi 1:9

Note ading deihsakna tawh thu ka hong ngetsak thu in: Noteʼ lungsimah itna khang semsemin, a sia le a pha a mantakin khen thei-in a hoih pen na teel theih nading uh ahi hi.

Filippi 1:6

Note sungah hih nasep hoih a hong pan khia Pasian in Jesu Khris hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Marka 13:20

Topa in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam hi.

Mattiu 13:24

Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Thukhente 6:19

Tua ahih ciangin Gideon a inn ah pai-in keel no khat le annel seu khat silngo sawh loh moh a bawl hi. A sa ciang sung khat ah koihin a satui beel sung khat ah koih a, tawsaw nuai ama kiangah tuate hong paipihin a pia hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat le leenggahzu savun thawl khat tawh amah la-in, Shiloh a Topaʼ inn ah amah a paipih hi.

2 SAMUEL NIHNA 13:6

Tua ahih ciangin Amnon lumin a cina kineih hi. Amah a en dingin kumpipa a pai ciangin Amnon in kumpipa kiangah, “Ama khut panin ka nek theih nadingin ka sanggamnu Tamar hong paisakin mohpheng nih khawng na bawlsak nading kong thum hi,” a ci hi.