Mattiu 13:32 - Tedim Bible Revision 2017

³² Khaici khempeuh lak panin ankam tang a neu pen ahi hi. Ahi zongin a khan khit ciangin ankung lakah a gol pen suak ahih manin vasate in a hiang tungah bu a tom theihna zah ding ciang hong suak thei hi,” a ci hi.

Tedim Bible

³² Ankamtang in tang khempeuh lakah a neupen hi. Ahih hangin a khan’ khit ciangin, ankung khempeuh sangin golzaw a, vana vasate in leengin a hiangah a tuang thei uh hi,” a ci hi.

Mattiu 13:32 Referans Kwoze

Ezekiel 31:6

Vasa nam khempeuh in a hiang tungah bu tom uh a, ganhing nam khempeuh in a liim nuai, tasuahna-in a nei uh hi. Leitung minam khempeuh in zong a liim nuai belhin a nei uh hi.

Daniel 4:12

A tehte hoih mahmah a, leitung bup khamkhop ding gah a gah hi. Gamsate in a liim beel uh a, vasate in a hiang kawmah bu bawl uh a, a nungta thei khempeuh in a gah a ne uh hi.

Sawltak 21:20

Ama thugen teng a zak khit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai ah na theih ding thu khat om hi. Hih lai ah thu um Jew mi tampi tak om a, amaute in thukham nak zuih mahmah uh hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte pen, leitung khempeuh a etna Topaʼ mittang sagih ahi hi,” hong ci hi.

Late 104:12

Tua tui kiangah huihlak vasate om uh a, sing hiangte lakah amaute ham zaizai uh hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Marka 4:30

Tua ciangin Jesu in, “Pasianʼ Ukna bang tawh kibang ci dinga, i gen tel nadingin bang thu gentehna zang ding ihi hiam?

Marka 4:32

tawl khat khit ciangin hong po-in hong khangto a, khai kung khempeuh lakah a gol pen pawl hong suak hi. A kung golin a hiangte zaai ahih manin ama liim sung a hiang kawmah vasate in bu a tom uh hi,” a ci hi.

Luka 13:18

Tua ciangin Jesu in, “Pasianʼ Ukna bang tawh kibang a, bang tawh genteh ding ka hi hiam cih leh: