Mattiu 13:25 - Tedim Bible Revision 2017

²⁵ Ahi zongin zan khat, mite a ihmut kalun galte khat hong pai-in taang lakah tahum tang vawhin a paikhia hi.

Tedim Bible

²⁵ Mite ihmut kalun a galpa pai a, tahum tang, taang lakah a vawh khit ciangin a paikhia hi.

Mattiu 13:25 Referans Kwoze

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

Mattiu 13:39

tahum tang a vawh galpa pen Dawimangpa ahi hi. Anlak hun pen leitung bei nading hun hi a, an la nasemte pen vantung mite ahi hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Mattiu 25:5

Zineipa hong tung hak ahih manin a vekpi-un lusu-in a ihmu uh hi.

Galati 2:4

Ahi zongin mi pawl khat in atsak nuam sam uh hi. Khris Jesu tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

Mangmuhna 13:14

Ganhing masa omna ah nalamdang bawl theih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liam sa hi napi a nungta lai ganhing pahtawi nading milim khat a bawl nadingun a gen hi.

Mattiu 13:24

Tua ciangin Jesu in thu gentehna dang khat gen a, “Vantung ki-ukna pen bang tawh kibang hiam cih leh: A lo ah taang ci hoih a vawhpa tawh kibang hi.

Mattiu 13:26

Taangte hong po-in a vuih hun ding ciangin tahum kungte zong hong lianin hong kilang hi.

Mattiu 13:27

Tua ciangin lo nei paʼ nasemte ama kiangah hong pai-in, ‘Na lo lai ah na vawh khaici pen taang ci hoihte ahi hi. Hih tahumte koi pan a hong piang ahi hiam?’ a cih ciangin

Mattiu 13:29

Ahi zongin amah in, ‘Va bot kei un. Tahumte bot le-uhcin taang tawh na bot khawm kha ding uh hi.

Mattiu 13:30

Anlak hun mateng a nam nihin tua ci om phot hen. Anlak hun ciangin anlate kiangah, “Tahumte bot masa unla, meikhuk ah khul dingin lomhen un. Ahi zongin taangte la-in ka ansal ah hong sung un,” ka ci ding hi,’ ci hi,” a ci hi.

1 KUMPI MASATE 3:20

Tua ciangin zankim laitakin amah tho-in, na nasem nu ka ihmut laitakin ka kiang panin ka tapa la-in ama ang ah koih a, ama tapa si keiʼ ang ah hong koih hi.