Mattiu 13:23 - Tedim Bible Revision 2017

²³ Lei hoihna munah a tu khaicite pen Pasianʼ thu a zak ciangin a tel mite a cihnopna ahi hi. Tua bang mite adingin Pasianʼ thu in man nei a, pawl khatte adingin a zah za khat, pawl khatte adingin a zah sawm guk, pawl khatte adingin a zah sawm thumin Pasianʼ thu in man a nei hi,” a ci hi.

Tedim Bible

²³ Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Mattiu 13:23 Referans Kwoze

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 13:8

Ahi zongin pawl khatte, lei hoihna mun tu-in hong khang hi. Pawl khatte in a zah za khat, pawl khatte in a zah sawm guk, a dangte in a zah sawm thum a gah hi,” ci-in a gen khit ciangin,

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Mattiu 3:8

Na kisikkikna uh a kilangsak ding gamtatna gamta unla,

Luka 13:9

Kum kik ciangin hong gah leh a hoih hi pah ding hi. Ahi zongin hong gah kei veve leh i phuk ding hi,’ ci-in a dawng hi,” a ci hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang dinga, amaute lungtang tungah gelhin, amauteʼ Pasian ka hi dinga, amaute pen keima mi ahi ding uh hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thu zak uh amaute adingin a phattuamna om lo hi.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Filippi 4:17

Note tung panin na tampi ka ngah nop man hi lo a, noteʼ hamphatna a kibehlap nading ka deihna hizaw hi.

2 KORIN NIHNA 9:10

Tua ahih manin vawh ding khaici le nek ding an hong pia Pasian in noteʼ cit piakna hangin nopsakna lian tampi na ngah theih nadingun note tungah a kisam khaici hong guanin a pungsak ding hi.

Sawltak 17:11

Thesalonika khua mite sangin Berea khua mite in mipi lungsim nei zaw uh hi. Amaute in lawp mahmahna tawh Paulʼ thugente ngai uh a, Paulʼ thugente man taktak hiam ci-in a theih nadingun nisimin Lai Siangtho a sim uh hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Johan 8:47

Pasian kiang panin a paite in Pasianʼ thugen za thei hi. Ahi zongin note pen Pasian kiang pan hi lo na hih manun Pasianʼ thu na ngai nuam kei uh hi,” ci-in a dawng hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Marka 10:15

Hih naupang no khatʼ man bangin Pasianʼ Ukna a mang lo mi peuhmah Pasianʼ Ukna sungah om lo ding ahihna thei un,” a ci hi.

Marka 4:20

Ahi zongin midangte ahihleh khaici pawl khat a tukna mun leihoih tawh kibang uh hi. Amaute in Pasianʼ thu za-in sang uh a, pawl khatte adingin a zah sawm thum, pawl khatte adingin a zah sawm guk, pawl khatte adingin a zah za khatin man a nei hi,” a ci hi.

Mattiu 3:10

Tu mahmah in sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Ezekiel 36:26

Note sungah lungtang thak le lungsim thak kong guan dinga, na suang lungtang uh hong lak khiatsakin mihing lungtang kong guan ding hi.

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Hebru 6:7

A tungah a kia guahtuite hupin, a kikhawhsak mite adingin a kimang theikungte a khangsak leitang pen Pasian in thupha a pia hi.

Luka 8:8

Pawl khatte, lei hoihna lak tu-in khang a, a zah za khat ciang dong a piang hi,” a ci hi. Tua ciangin Jesu nakpi takin kiko a, “Zak nading bil a neite in hih thu za ta un,” ci-in a thugen a khum hi.