Mattiu 13:20 - Tedim Bible Revision 2017

²⁰ Suang kitawphah leilak a tu khaicite pen Pasianʼ thu a zak ciangun lungdam takin a sangpahte a cihnopna ahi hi.

Tedim Bible

²⁰ Suang lakah a kiate in, thu a zak ciangin lungdamin a man’ pah hangin, a sungah zung kha lo ahih ciangin tawlkhat kikal bek a kip hi.

Mattiu 13:20 Referans Kwoze

Johan 5:35

Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Isaiah 58:2

Amaute pen, thumanin a gamta, amauʼ Pasianʼ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasianʼ kiang hong nai nuam uh hi.

2 KHANG TANGTHU NIHNATE 24:2

Siampi Jehoiadaʼ hunsung khempeuh Topaʼ mitah Joash a manin gamta hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

2 KHANG TANGTHU NIHNATE 24:14

Amaute in a zawh khit uh ciangin, kumpipa le Jehoiada kiangah sum a omlaite hong paipih uh a, amaute in tuate tawh Topaʼ biakinn ah nasep nading le meihal biak nadingin nazatte le paknamtui adingin pakante le kham le ngun beelte a bawl uh hi. Tua ahih ciangin amaute in Jehoiadaʼ nuntak sung khempeuh a tawntungin Topaʼ biakinn sungah meihal biaknate a pia uh hi.

2 KHANG TANGTHU NIHNATE 24:6

Tua ahih ciangin kumpipa in amauʼ ukpi Jehoiada samin ama kiangah, “Topaʼ nasem Moses in Topaʼ ompihna puanbuk a dingin Israel mihonte tung panin a khon mangmu bang hangin Judah le Jerusalem panin Levi mite khawmsak lo na hi hiam?” a ci hi.

Mattiu 7:8

Bang hang hiam na cih uh leh a ngente khempeuh in ngah ding uh a, a zongte khempeuh in mu ding uh a, a kiute khempeuh ading kong kihon ding hi.

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Mattiu 13:21

Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.