Mattiu 13:12 - Tedim Bible Revision 2017

¹² Bang hang hiam cih leh a nei sate tungah kipia thuahin hau semsem dinga, a nei lote tung panin a neihsa sunsun nangawn kilaksak ding hi.

Tedim Bible

¹² A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

Mattiu 13:12 Referans Kwoze

Mattiu 25:29

Bang hang hiam cih leh a nei sate kipia thuah dinga, hau semsem ding hi. Ahi zongin a nei lote tung panin a neihsa sunsun nangawn kilaksak ding hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamtakik un. Na mawhna panun kihei-in na kisikkik kei uh leh note kiangah hong pai-in na meivakna uh ka hong lakkhiatsak ding hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai ah nopsakna a ngah laitakin nangmah in haksatna a thuak na hi hi.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Luka 9:26

Keima hang le ka thuhilhnate hangin a maizum peuhmah, a Paʼ minthanna vang le a siangtho vantung miteʼ minthanna tawh a minthangin hong paikik ciangin Mihing Tapa zong ama hangin a maizum ding hi.

Marka 12:9

“Tua ahihleh lo nei pa in bangci bawl ding ahi hiam? Amah hong pai-in lo khawhlawhte that dinga, a lo, midangte a khawhlawhsak ding hi.

Luka 12:48

Ahi zongin a topaʼ deihna a theih lohna hangin sat thuak nading a gamta kha nasem pa pen kidam sat zaw deuh ding hi. Tampi a kipiakna pa tung pan tampi kikal dinga, a tam zaw a ki-apna pa tung pan a tam zaw kikal ding hi,” ci-in a dawng hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.