Mattiu 13:11 - Tedim Bible Revision 2017

¹¹ Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Tedim Bible

¹¹ Zeisu in, “Note in Vantung Gam thu theih hakte na theih nadingun thu hong pia hi. Amaute ahih uh leh, a theih nadingun thu kipia lo hi.

Mattiu 13:11 Referans Kwoze

1 KORIN MASA 2:14

Ahi zongin Kha Siangtho a nei lo mite in Pasianʼ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau adingin a haihuai thu khat ahi lel hi.

Mattiu 19:11

Ahi zongin Jesu in, “Hih ngeina pen mi khempeuh in a zuih zawh ding hi lo a, Pasian in a tua ci dingin a sehte bek in a zui zo ding uh ahi hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

1 JOHAN MASA 2:20

Ahi zongin Khris in note tungah Kha Siangtho hong pia khin ahih manin note khempeuh in a man na thei uh hi.

Mattiu 16:17

Tua ciangin Jesu in ama kiangah, “Jonahʼ tapa Simon aw, hoih mahmah hi. Hih thu, leitung pilna tawh na theih tawm hi lo a, vantungah a om ka Pa in nangma tungah hong hilh ahi hi.

Efesa 1:9

Pasian in a pilna le a thumuhnate zangin ama geel sa bangin hong sem a, Khris zangin a sepnop thusim teng eite tungah hong kilangsak hi.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Efesa 5:32

Pasalte in amau pumpi zahin a zite uh itin, zite in zong amau pumpi zah mahin a pasalte uh a it ding uh ahih mah bangin, Lai Siangtho in hih bangin a gen ciangin a thuk zaw khat, Khris le pawlpi a ki-itna a gen nopna ahi hi, ci-in ka ngaihsun hi.

ROM (Romans) 16:25

Eite khempeuh in Pasian phat ni. Keima hilh Jesu Khris thu ahi Lungdamna Thu le tanglai-in a ki-imcip, tu-in a kipholak thu ah, amah pen noteʼ upna a hong kipsak thei pa ahi hi.

Luka 8:10

Jesu in, “Pasianʼ Ukna thu tawh kisai thusim, note tungah hong kigen hi. Ahi zongin midangte in, enen napi-un a muh loh nading zaza napi-un a tel loh nadingun amaute tungah thu gentehna tawh thu kigen hi,” a ci hi.

1 KORIN MASA 15:51

Kuamah kim in a theih loh thusim khat na ngai un. Eite khempeuh a si khin ding ihi kei a, thakhat thu-in a kikhel vat ding ihi hi.

1 KORIN MASA 2:7

Tua ka gen pilna thu pen miteʼ theih lo dingin Pasian in a ipcip Pasianʼ pilna thusim hi a, eiteʼ minthan nadingin leitung pianmapekin Pasian in a na koih sa thu ahi hi.

Johan 6:65

Tua ciangin Jesu in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a gen thuah lai hi.

1 TIMOTI MASA 3:9

Lungsim kisuanna a om lo, upna thu ah a kip mite hi ding uh hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Marka 4:11

Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pum khat na suah theih nading uh ka deihna ahi hi. Tua hileh Pasianʼ thusim ahi Khris mahmah na thei ding uh hi.

Efesa 6:19

Thu ka hilh theih hun ding ciangin lungdamna thusim hang takin ka hilhkhiat theih nadingin Pasian in ka thugen ding hong hilh nadingin kei adingin zong thu na ngetsak ta un.

1 KORIN MASA 4:7

Note in bang kisaktheih pih na hi uh hiam? Tu-a na neih khempeuh uh Pasianʼ hong piak hi lo ahi hiam? Tua ahihleh hong kipia sa bek ahih manin a bang kisaktheih pih na hi uh hiam?

1 KORIN MASA 4:1

Kote pen Khrisʼ nasem le Pasianʼ thusim a zeekte in nong ngaihsut ding uh ahi hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Late 25:14

Topa tawh kilawmtatna pen amah a zahtakte ading hi a, a thuciamna amau tungah kitheithangsak hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Isaiah 29:10

Bang hang hiam cih leh Topa in noteʼ sungah ihmut nopna lungsim hong guan a, amauʼ mit ahi kamsangte mit si sakin amauʼ lutang ahi thu mu theite khuhcip hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Isaiah 29:11

Hih maangmuhnate khempeuh pen note adingin ahihleh a kimatcip laibu sunga thu om tawh a kibang a suak hi. Mite in lai a sim thei pa khat tungah, “Hih lai sim dih in,” a cih ciangin amah in, “Kimatcip ahih manin ka sim thei kei hi,” ci hi.

Mattiu 13:10

Tua ciangin nungzuite in Jesu va naihin ama kiangah, “Bang hangin thu gentehna zangin amaute tungah thu gen na hi hiam?” ci-in a dong uh hi.

Mattiu 20:23

Jesu in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilam a tut ding pen keiʼ hong piak theih hi lo hi. Ka Pa in a seh sa mite ading bek ahi hi,” a ci hi.

Marka 10:40

Ahi zongin ka taklam a tut ding le ka veilam a tut ding pen keiʼ hong piak theih hi lo a, a tu dingin Pasian in a vaihawmsak sate ading ahi hi,” a ci hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.