Mattiu 12:8 - Tedim Bible Revision 2017

⁸ Bang hang hiam cih leh Mihing Tapa pen Sabbath ni a ukpa ahi hi,” ci-in a dawng hi.

Tedim Bible

⁸ Bang hang hiam na cih uh leh, Mihing Tapa in Nipi ni ukpa ahi hi,” ci-in a gen hi.

Mattiu 12:8 Referans Kwoze

Luka 6:5

Tua ciangin Jesu in, “Mihing Tapa pen Sabbath ni a Ukpa ahi hi,” ci-in a thugen a khum hi.

Marka 2:28

Tua ahih ciangin Mihing Tapa pen Sabbath ni nangawn a ukpa ahi hi,” ci-in a thugen a khum hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Mangmuhna 1:10

Topaʼ ni-in Kha Siangtho tawh kidimin ka om laitakin peengkul bangin a gingpha mahmah khat ka nung lamah ka za a,

1 KORIN MASA 16:2

Kei ka hong pai ciangin sumpi kaihkhop tawm a om loh nadingin na ngahna uh tawh kizui-in Nipi simin na tuam koih unla, na na khol un.

1 KORIN MASA 9:21

Tua mah bangin Jew miteʼ Thukham in a huam loh Gentail mite lakah na ka sep ciangin amaute ka ngah zawh nadingin Gentail mite bangmahin ka gamta hi. Hih bangin ka gen ciangin Pasianʼ thukham a zui lo, cihna hi loin Khrisʼ thukham zui-in a gamta ka hi hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Mattiu 12:32

Mihing Tapa langpangin a gensiate a mawhna uh kimaisak thei dinga, ahi zongin Kha Siangtho langpangin a gensiate pen tu hun a kipan a tawntungin a mawhna uh kimaisak lo ding hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.