Mattiu 12:44 - Tedim Bible Revision 2017

⁴⁴ ‘Ka pai khiatna sa inn mahah ciahkik ning,’ ci hi. A hong paikik ciangin tua inn na awng lai a, kipuah siangin hoihtakin a om a mu hi.

Tedim Bible

⁴⁴ A muh loh ciangin, ‘Ka paikhiatna inn lam ciahkik ning,’ ci-a a pai leh, a tun’ ciangin tua inn awngin, kiphiat kipuah a, om a mu hi.

Mattiu 12:44 Referans Kwoze

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

1 KORIN MASA 11:19

Bang hang hiam cih leh kua teng pawlpi mi citak ahi hiam, ci-in a kilat nadingin kikhenna a om mah ding ahi hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Johan 13:27

Judas in tua an a nek khit phetin ama sungah Satan hong lut pah hi. Tua ahih manin Jesu in ama kiangah, “Na hih ding peuhpeuh hih pak in,” a ci hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 12:6

Hih bangin kam a pauna pen mizawngte a khualna hang hi lo a, amah sumkem ahih manin a sumte gu-in a ututin a zang zel pa ahihna hang hizaw hi.

Mattiu 12:29

Mi khatpeuh in mi thahat khat paʼ inn sungah lutin a neihsate a laksak theih nadingin tua inn nei a thahatpa a hencip masak phot ding kisam hi. A hencip zawh khit ciang bekin a inn ah lutin a neihsate la thei pan hi.

Hosea 7:6

Tua bangin amauʼ sawm simna mei bangin hong kuang hi. Zan thapai-in a hehna uh mei bangin khukhu a, zingsangin mei bangin hong kuang khia hi.

Mattiu 12:43

“Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. Ahi zongin a ten nading mun a muh zawh loh ciangin,

Mattiu 12:45

Tua ciangin va paikik a, amah sangin a siahuai zaw dawi sagih hong tunpihin tua mipa sungah a teeng uh hi. Tua ahih manin tua mipa pianzia pen a masa huna sangin a sia zaw hi. Tua ahih ciangin tu hun a migilote zong hih mipaʼ pianzia mah tawh kibang ding uh hi,” a ci hi.

Luka 11:25

A hong tunkik ciangin hoihtakin kiphiat siangin a hoih linlianin a mu hi.