Mattiu 12:43 - Tedim Bible Revision 2017

⁴³ “Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. Ahi zongin a ten nading mun a muh zawh loh ciangin,

Tedim Bible

⁴³ “A kihhuai dawi in mi khat sung pan a paikhiat khit ciangin, mun keuna ah vakin khawl nading a zong hi.

Mattiu 12:43 Referans Kwoze

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Isaiah 41:18

Bangmah a om lohna a sangna munte panin gunte ka luangsak dinga, kuamteʼ laizang ah tuikhukte ka omsak ding hi. Sehnel gam pen bualtui ka suaksak dinga, lei keuna mun pen ciktui ka suaksak ding hi.

JOB (Job) 2:2

Tua ciangin Topa in Satan kiangah, “Koi lai panin hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin kong pai hi,” a ci hi.

JOB (Job) 1:7

Topa in Satan kiangah, “Koi pan a hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin ka hong pai hi,” a ci hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gam keu bangin ka pumpi bup in nang hong deih hi.

Mattiu 12:44

‘Ka pai khiatna sa inn mahah ciahkik ning,’ ci hi. A hong paikik ciangin tua inn na awng lai a, kipuah siangin hoihtakin a om a mu hi.