Mattiu 12:39 - Tedim Bible Revision 2017

³⁹ Ahi zongin Jesu in, “Tu hun a mite bangzahin giloin, Pasianʼ thu thei lo ahi uh hiam? Nalamdang ka bawl ding na hong ngen tazen uh hi. Jonah thu tawh kisai nalamdang longal a dang hong kilak lo ding hi.

Tedim Bible

³⁹ Zeisu in, “Mipaktat leh mi gilo khang mite in lim a nget uh hangin, Jonah lim longal lim dang amau tungah a kilak kei ding hi.

Mattiu 12:39 Referans Kwoze

Mattiu 16:4

Tu lai hun mite giloin, Pasian tawh kipawl lo uh hi. Lim a nget uh hangin Jonah lim sim loh a dang kilak lo ding hi,” ci-in a dawng hi. Tua ahih manin amaute nusia-in a paisan hi.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Isaiah 57:3

No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

2 KUMPI NIHNATE 14:25

Amah in Gath-hefer pan a kamsang pa, Amittaiʼ tapa, a nasem Jonahʼ tungtawnin Israel Pasian, Topaʼ thugen bangin, Hamath lutna panin Arabah Tuipi dong Israel gam a ngahkik hi.

Jonah 1:1

Topa in Amittaiʼ tapa Jonah tungah,

Marka 8:12

Tua ciangin Jesu nakpi takin a sung tawng ah khuisa-in, “Bang hangin hih mite in lim hong ngen ahi uh hiam? Hih mite tungah lim kilak peuhmah lo ding hi,” a ci hi.