Mattiu 12:12 - Tedim Bible Revision 2017

¹² Mi pen tuu sangin nakpi takin manpha zaw ahih manin Sabbath ni-in a hoih sep ding a kilawm ahi hi,” ci-in a dawn khit ciangin

Tedim Bible

¹² Mi khat in tuu sangin a manpha zaw hi. Tua ahih ciangin Nipi ni-in phatna bawltuak hi,” a ci hi.

Mattiu 12:12 Referans Kwoze

Mattiu 6:26

“Vanah a leeng vasate ngaihsun dih un: Amaute in khai tuh lo, an zong la lo, sal sungah zong khol lo napi-in vantungah a om na Pa un tuate a nek ding uh tasamsak lo hi. Tua vasate sangin note manpha zaw thampek hi lo na hi uh hiam?

Luka 6:9

Tua ciangin Jesu in amaute kiangah, “Note tungah thu khat kong dong nuam hi. Sabbath ni-in a pha bawl ding le a sia bawl ding koi kilawm zaw a, mi khatʼ nuntakna suahtaksak ding le siatsak ding koi hoih zaw ahi hiam?” a ci hi.

Marka 3:4

Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deih zaw ahi hiam?” ci-in a dong hi. Ahih hangin kuamah in dawng lo hi.

Mattiu 10:31

Tua ahih manin lau kei un. Gitta tampi sangin note na manpha zaw uh hi.

Luka 12:24

Vasate ngaihsun dih un: Amaute in khai tuh lo uh a, an lak cih zong nei lo uh hi. Amaute in beemlepang zong nei lo napi-in Pasian in annek tasamsak lo hi. Vasate sangin note nakpi takin na manpha zaw uh hi.

Luka 14:1

Sabbath ni khatin Farisi mi upa khatʼ inn ah an ne dingin Jesu pai a, mite in amah encik uh hi.