Mattiu 11:30 - Tedim Bible Revision 2017

³⁰ Bang hang hiam cih leh note kong suat ding ka hakkol nuam a, na puak ding uh van zong a zang mah ahi hi,” ci-in a gen khia hi.

Tedim Bible

³⁰ Bang hang hiam na cih uh leh, ka hakkol puak nop a, ka van zong a zang hi,” ci-in Zeisu in a gen hi.

Mattiu 11:30 Referans Kwoze

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Galati 5:1

Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Galati 5:18

Kha Siangthoʼ deihna bangin na gamtat uh leh Thukham khutnuai ah na om nawn kei uh hi.

Sawltak 15:10

Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

2 KORIN NIHNA 4:17

Tu hun laitakin tomno sung lungkhamna ka thuakte uh in ka thuakna uh sangin nakpi takin a lian zaw tawntung minthanna sung hong tunpih ding hi.

Sawltak 15:28

A kisam mahmah hih a nuai-a thute sim loh, note tungah van gik dang suat ding pen Kha Siangtho le kote ka thukim kei uh hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Mattiu 12:1

Tua zawh a sawt loin Sabbath ni khatin mangbuh lo nawkin Jesu a pai hi. A nungzuite a gil uh kial ahih manin mangbuh vuite zutin a ne uh hi.