Mattiu 10:5 - Tedim Bible Revision 2017

⁵ Jesu in hih mi sawm le nihte sawl a, “Gentail mite gam sung ahi a, Samaria mite khua sungah ahi zongin lut kei un.

Tedim Bible

⁵ Tua sawm leh nihte Zeisu in sawl a, “Gentailte omna-ah pai kei un. Samaria-te khua sungah lut kei un.

Mattiu 10:5 Referans Kwoze

Johan 4:9

Jew mite in buah tang uh a, Samaria miteʼ nazatte zang lo uh ahih manin, Samaria numei in Jesu kiangah, “Bang hangin nang Jew mi in kei Samaria numei kiangah tui hong ngen na hi hiam?” a ci hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Luka 17:16

Tua ciangin Jesuʼ khe mai ah bokin a lungdamna a ko hi. Hih mipa pen Samaria mi ahi hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Luka 9:2

Tua ciangin Pasianʼ Ukna thu a hilh ding le cinatnate a damsak dingin kuan khiasakin

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai ah pai sawm hi ding ahi hiam? Jew mite omna Grik khuapi tuamtuamte ah pai-in Grik mite kiangah thu hilhsawm hi ding ahi hiam?

Johan 4:5

Tua bangin a nawk ciangin Samaria gam sungah Saikhar a kici khua khat a tung hi. Tua khua gei ah Jakob in a tapa Josef a piak lo khat om hi.

Luka 10:33

Ahi zongin Samaria mi khualzin khat, tua lai mun hong tungin a liam pa a muh ciangin hehpihhuai sa a,

Mattiu 4:15

“Gentail miteʼ teenna Galilee gam sung, Jordan Gun gal khat, Tuipi lam pangah a om Zebulun le Naftali gam!

Sawltak 8:1

Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 4:20

Ko Samaria miteʼ pupite in hih lai mual tungah Pasian bia uh a, ahi zongin no Jew mite in Pasian biakna mun pen Jerusalem khua ahi hi, na ci uh hi,” a cih ciangin,

Luka 10:1

Tua khit ciangin Jesu in ama pai nading khua le mun khempeuh ah nih nihin a na pai dingin mi sawm sagih seh a, ama mai ah a ma paisak hi.

Mattiu 22:3

Mopawi siim dingin a khoh sa mite a sam dingin a nasemte sawl a, ahi zongin kuamah pai lo hi.

Marka 6:7

Jesu in sawm le nihte sam a, amaute tungah dawi hawlkhiat nading vangliatna pia-in, amaute nih nihin a sawl khia hi.

Luka 9:1

Tua ciangin Jesu in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Johan 17:18

Leitungah kei na hong sawl mah bangin kei zong leitung mahah amaute ka sawl hi.