Mattiu 10:40 - Tedim Bible Revision 2017

⁴⁰ “Na thugen uh a hong sangte in keiʼ thu a hong sang hi a, kei a hong sangte in kei a hong sawl pa zong a sang ahi uh hi.

Tedim Bible

⁴⁰ “No hong ngaite in kei hong ngai hi. Kei hong ngaite in kei hong sawlpa zong a ngai hi.

Mattiu 10:40 Referans Kwoze

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Luka 10:16

Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

2 JOHAN NIHNA 1:9

Khrisʼ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Galati 4:14

Ka pumpi cidam lohna pen note adingin thu haksapi hi napi-in kei na hong simmawh bawl tuan kei uh a, zong na hong nolh tuan kei uh hi. Vantung panin a hong pai vantungmi zin do bang le Khris Jesu mahmah zin a do bangin na hong limbawl uh hi.

Marka 9:37

“Keima hangin hih bang naupang no khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Mattiu 25:45

Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

2 KORIN NIHNA 5:20

Tua ahih ciangin kote pen Khris tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawl khatin na om nadingun Khris tangin a hong thum ka hi uh hi.

1 KUMPI MASATE 18:4

Jezebel in Topaʼ kamsangte a hon thah lai-in Obadiah in kamsang za khat la-in sawm nga sawm nga-in leihawm sungah seel a, amaute anletui tawh a vak hi.)

Jeremiah 39:17

Ahih hangin Topa in kong cih in ah, tua ni ciangin nang kong hon khia dinga, na kihtak miteʼ khut sungah hong kipia lo ding hi.