Mattiu 10:38 - Tedim Bible Revision 2017

³⁸ Ama singlamteh mah pua tawm lopi-in ka nung hong zuite kei tawh kilawm lo hi.

Tedim Bible

³⁸ A singlamteh pua-a ka nung hong zui lote in, kei tawh kituak lo hi.

Mattiu 10:38 Referans Kwoze

Luka 14:27

Ama singlamteh mah puatawmin ka nung hong zui lote, keima nungzui hi thei lo hi.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Johan 19:17

Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Marka 10:21

Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuʼ singlamteh a puasak uh hi.