Mattiu 10:22 - Tedim Bible Revision 2017

²² Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Tedim Bible

²² Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 10:22 Referans Kwoze

Mattiu 24:13

Ahi zongin a bei dongin a thuak zote in hotkhiatna ngah ding uh hi.

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuak zote in hotkhiatna a ngah ding uh hi.

Mattiu 10:39

Hih leitung nuntakna a hon nuamte in a nuntakna taktak taanlawh dinga, keima hangin a nuntakna a taanlawhte in a nuntakna taktak a ngah ding uh hi.

1 JOHAN MASA 3:13

Tua ahih manin lawmte aw, leitung mite in hong muhdah leh lamdang sa kei un.

Mattiu 24:9

“Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

2 KORIN NIHNA 4:11

Tua ahih manin koteʼ leitung pumpi ah Jesu Khris nuntakna a kilat nadingin Jesu hangin ka leitung nuntak sungun sih nading lauhuaina ka phu kha tawntung uh hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawl khat le min thak a kigelhna suangkang khat ka pia ding hi. Tua suangkang pen a ngahte sim loh kuamah dang in thei lo ding hi.

Johan 7:7

Leitung miteʼ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasianʼ Huan sunga om nuntakna singgahte a nek theih nadingun thu ka pia ding hi.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Mangmuhna 2:26

A gualzo, a tawp dongin keima deihna bangin a gamta zo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia dinga, leibeel sat khap bangin sik ciangkhut tawh minam dangte sat gawp ding uh hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.

Paunak 29:27

Midikte in migilote mudah uh a, migilote in midikte mudah uh hi.

Luka 21:17

Mi khempeuh in keima hangin note hong mudah ding uh hi.

Luka 21:19

Hih bangin thuak zo le-uhcin nuntakna taktak ngah ding na hih manun kip takin om un.