Marka 9:32 - Tedim Bible Revision 2017

³² A nungzuite in hih ama thuhilhna thei lo uh a, ahi zongin amah dong ngam lo uh hi.

Tedim Bible

³² A nungzuite in tua thu a theih loh uh hangin a dong kik ngam kei uh hi.

Marka 9:32 Referans Kwoze

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Luka 2:50

Ahi zongin bang a cihnopna ahi hiam, ci-in a nu le a pa in thei lo uh hi.

Johan 16:19

Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Marka 9:10

Ama cih mah bangin im uh a, ahi zongin, “Sihna panin thokik,” a cih bang a cihnopna hi ding ahi hiam, ci-in a lungsim sung uh ah a ngaihsun uh hi.

Johan 4:27

Tua laitakin Jesu nungzuite hong tung uh a, ahi zongin kuamah in, “Numei aw, bang deih na hi hiam?” cihna ahi a, “Bang hangin tua numei tawh kiho na hi hiam?” cihna ahi zongin dong ngam lo uh hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Marka 8:33

Ahi zongin Jesu kihei-in a nungzuite a et kawmin Peter lehtaii a, “Satan aw, ka nungah om in. Nang in Pasianʼ ngaihsut bangin thu ngaihsun loin, mihingʼ ngaihsut bangin na ngaihsun hi,” a ci hi.

Marka 7:18

Jesu in, “Note in zong bangmah a thei lo hi mawk hi lo na hi uh hiam? A pualam panin mite sungah a tum nate in mi ninsak thei lo hi.