Marka 9:3 - Tedim Bible Revision 2017

³ leitung a puan sawpte kuamah in a paaksak zawh loh zah dong dingin a puante paakin a tee hi.

Tedim Bible

³ a puan zong leng a, hih leitungah puansawp mi kuamah in a paaksak zawh loh ding zah dongin a paak mahmah hi.

Marka 9:3 Referans Kwoze

Mattiu 28:3

Ama mel, khuaphialep tawh kibang a, a puan zong vuk bangin a pak hi.

Daniel 7:9

Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

Mangmuhna 7:9

Tua khit ciangin ka khuadak leh mi namkim, pau namkim panin kuama sim zawh loh dingin a tam mahmah mihonpite, tokhom mai le Tuuno mai ah ding uh a, puan pak silhin a khut uh ah nisuh hiang a tawi uh ka mu hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Late 68:14

Vanglian pa in tua gam panin kumpite a nawh keek ciangin Zalmon mual tungah vuk a kia tawh kibang hi.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngo zaw ding hi.

Mangmuhna 19:18

Hong pai unla, kumpiteʼ sa, galkap maangte le galkapteʼ sa, sakolte le a tungah a tuangteʼ sa, a lian a neu, silate le sila ahi lo mi khempeuhteʼ sa hong ne un,” a ci hi.

Marka 9:4

Tua lai ah Elijah le Moses hong omin, Jesu tawh a kiho a mu uh hi.

Luka 9:29

Jesu in thu a nget laitakin a mel hong kikheel a, a puante zong pakin tee mahmah hi.