Marka 9:29 - Tedim Bible Revision 2017

²⁹ “Thungetna sim loh a dang in hih bangte hawl khia thei lo hi,” ci-in Jesu in a dawng hi.

Tedim Bible

²⁹ Zeisu in amaute kiangah, “Hih bang dawi namte thungetna leh antan’na longal tawh a paikhia thei kei hi,” a ci hi.

Marka 9:29 Referans Kwoze

Jeim 5:15

Upna tawh thu a kinget ciangin Topa in cinate noptuamsakin, damsak dinga, mawhna nei ahihleh zong a mawhna maisak ding hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

2 KORIN NIHNA 12:8

Tua natna tawh ka kipelh theih nadingin Topa kiangah thum vei tak thu ka ngen hi.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

Luka 11:26

Tua ciangin amah pai khiakikin, amah sangin a sia zaw dawi sagih hong paipih a, a sungah lutin a teeng uh hi. Tua mipaʼ pianzia pen a masa sangin hong sia zaw hi,” a ci hi.

1 KORIN MASA 9:27

Kimawlna sungah midangte a kihel dingin a sam hi napi-in tua kimawlna ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

Mattiu 12:45

Tua ciangin va paikik a, amah sangin a siahuai zaw dawi sagih hong tunpihin tua mipa sungah a teeng uh hi. Tua ahih manin tua mipa pianzia pen a masa huna sangin a sia zaw hi. Tua ahih ciangin tu hun a migilote zong hih mipaʼ pianzia mah tawh kibang ding uh hi,” a ci hi.

2 KORIN NIHNA 6:5

Kote hong kisatin, thong ah hong kikhia-in, mihonpi in hong hih gawp uh hi; nakpi takin na semin, an ne lo, ihmu lo liangin ka om uh hi.

Mattiu 17:21

Thungetna le antanna tawh lobuang, thudang tawh hih bangte kihawl khia thei lo hi,” ci-in a dawng hi.

Marka 9:28

Inn sungah Jesu a tum khit ciangin a nungzuite in, “Bang hangin kote in dawi hawl khia thei lo ka hi uh hiam?” ci-in a dongsim uh hi.

Marka 9:30

Tua lai panin ding khia-in Galilee gam sung nawkin pai uh a, ahi zongin miteʼ theih ding Jesu a ut kei hi.