Marka 9:25 - Tedim Bible Revision 2017

²⁵ Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Tedim Bible

²⁵ Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Marka 9:25 Referans Kwoze

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkai sa ahih manin kihei-in a dawi kiangah, “Hih numei sung panin na paikhiat nadingin Jesu Khris min tawh thu kong pia hi,” a cih khit phetin, tua numei sung panin dawi a paikhia pah hi.

Luka 9:42

A naupang hong pai laitakin dawi in leilak ah tuksakin a kongkawcipsak hi. Ahi zongin Jesu in a dawi taii a, naupang damsakin, a pa kiangah a piakik hi.

Marka 9:15

Mihonte in Jesu a muh phetun lamdang sa-in ama kiangah va tai-in a hopih uh hi.

Mattiu 17:18

Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Juda 1:9

Vantung mi lian pa Mikhael nangawn tua bangin gamta ngam lo hi. Mosesʼ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii tahen,” ci bek hi.

Luka 11:14

Jesu in a pau thei lo mi khat sung panin dawi hawl khia a, dawi a paikhiat khit ciangin a mipa pau thei a, mite in lamdang a sa mahmah uh hi.

Luka 8:29

Hih bangin a cihna pen, ama sung panin dawi a paikhiat nadingin Jesu in thu a piakna hang ahi hi. Dawi in tua mipa tam veipi tak man a, a khut le a khete sikkhau tawh khihin a kikepcip hangin a sikkhaute peksat a, dawi in gamlak ah a paikhiatpih hi.

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 4:35

Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

Zekhariah 3:2

Topaʼ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteen khia singkhuah tawh kibang hi,” a ci hi.

Mattiu 12:22

Tua ciangin mi pawl khat in Jesu kiangah mit tawt le pau theih loh a thuah dawivei mi khat hong paipih uh hi. Jesu in amah damsak ahih manin amah hong pau thei-in khua zong hong mu thei hi.

Marka 9:24

Thakhatin naupangʼ pa kiko a, “Ka um hi; ka upna a kicin nadingin hong huh in,” a ci hi.

Marka 9:26

A dawi nakpi takin kiko-in naupang a kongkawtsak khit ciangin a tai khia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.