Marka 9:24 - Tedim Bible Revision 2017

²⁴ Thakhatin naupangʼ pa kiko a, “Ka um hi; ka upna a kicin nadingin hong huh in,” a ci hi.

Tedim Bible

²⁴ Naupang’ pa in thakhatin kiko a, “Ke’n ka um hi. Ka up lohna hong huh in,” ci-in a ngen hi.

Marka 9:24 Referans Kwoze

Luka 17:5

Ni khat, sawltakte in Topa kiangah, “Ka upna uh hong liansak in,” a ci uh hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

2 THESALONIKA NIHNA 1:11

Tua ahih manin ama hong sapna tawh a kilawm a kituak nuntakna na nuntak theih nading uh le ama vangliatna tawh a hoih na hih nop khempeuh uh hih zo-in, na upna uh hangin na khempeuh na zawh theih nadingun Pasian kiangah thu ka hong ngetsak tawntung uh hi.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Late 126:5

Khitui tawh khai a tuhte lungdamin kikona tawh an la sak ta in.

2 KORIN NIHNA 2:4

Tua lai ka gelh laitakin, noteʼ dah nading piangsak kha loin note ka hong it mahmahna na phawk nading uh ka deihna tawh ka gelh hi a, lungkham sinkhamna le khitui naptui kai-in a gelh ka hi hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

2 TIMOTI NIHNA 1:4

Na khitui luannate phawk ka hih manin ka lung a dam theih nadingin nang tawh kimu nuamin a sun a zanin ka ngaihsun tawntung hi.

Luka 7:44

Tua ciangin numei lamah Jesu kihei a, Simon kiangah, “Hih numeiʼ gamtatna na mu hiam? Na inn ah kong pai a, ka khe sil nading tui nong pia kei hi. Ahi zongin amah in a khitui tawh ka khe hong silsak a, a sam tawh hong nul keusak hi.

Luka 7:38

Jesuʼ nungah tu-in kap a, a khitui tawh Jesuʼ khete kawtsakin a sam tawh nulsak a, a khete namin a sathau puak a nuh hi.

Late 39:12

Topa aw, ka thungetna hong ngai inla, ka kikona hong za in. Ka khitui luanna hong thudon in. Bang hang hiam cih leh ka pu ka pate khempeuh bangin kei zong na zin, na peemta ka hi hi.

2 KUMPI NIHNATE 20:5

“Kilehkik inla keima miteʼ makai Hezekiah kiangah hih bangin gen in: Na thungetna ka za khin a, na khituite ka mu khin hi. En in, nang kong damsak dinga, ni thum ni-in Topaʼ biakinn ah na pai to ding hi.

2 SAMUEL NIHNA 16:12

Topa in ka thuakna hong enin, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

Hebru 12:17

Bang hang hiam cih leh Esau in a pa kiang panin thupha ngahkik nuamin khitui naptui tawh a nget hangin a gamtatna sa a bawlkik theih nading lampi om nawn lo ahih manin bangmah ngah thei tuan nawn lo hi.

Sawltak 10:19

Tua bangin Peter in a maang muh lungngaingai-in a om laitakin Kha Siangtho in, “En in, mihing thum in nang hong zong uh hi.

Marka 9:23

Jesu in, “Bang hangin na hih theih leh, ci na hi hiam? A umte adingin na khempeuh hi thei hi lo ahi hiam?” a ci hi.

Marka 9:25

Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.