Marka 9:2 - Tedim Bible Revision 2017

² Tua zawh ni guk khit ciangin Jesu in Peter, James le Johan-te samin amauteng guak mual tung khat ah a paipih to hi. Amauteʼ muh tangpi mahin Jesu a mel hong kikheel a,

Tedim Bible

² Ni guk khit ciangin Zeisu in Piter, Jakob leh Johan-te samin mual sang tungah, gam daihna munah paipih a, amaute mai-ah a meel kilamdang a,

Marka 9:2 Referans Kwoze

Isaiah 33:17

Tua ciangin a thupi mahmah kumpipa na mu ding uh a, a zai mahmah a gam zong na en ding uh hi.

Marka 5:37

Tua lai panin Jesu in Peter le James le a nau Johan longal kuamah dang kizuisak nawn lo hi.

Marka 14:33

Tua ciangin Peter, James le Johan-te paipih lai a, nakpi takin lungkhamin a dahna hong kipan hi.

Paikhiatna 24:13

Tua ahih ciangin ama nasem pa Joshua tawh Moses kithawi uh a, Pasianʼ mual tungah pai to uh hi.

2 KORIN NIHNA 13:1

Tu-a ka hong pai nading pen a thum veina hi ta hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai ah khangto lel hi. Eiteʼ et dingin amah in lim le deihhuaina mel bangmah nei lo a, eiteʼ deih dingin hoihna nei lo hi.

1 KUMPI MASATE 18:42

Tua ahih ciangin an ne tui dawn dingin Ahab pai to hi. Karmel Mual dawnah Elijah pai to a, a mahmah leilak ah kun sukin a khukte kikalah a maitang a phum hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Marka 16:12

(Tua khit ciangin khuapi panin khuaneu ah nungzui nihte a pai laitakun amaute tungah a mel tuam khatin Jesu kilang hi.

Filippi 3:21

Amah in na khempeuh ama khutnuai ah koihna-in a zat vangliatna mah tawh a gina lo i leitung pumpi pen ama aʼ mah bangin a minthang pumpi tawh hong kheelsak ding hi.

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Luka 6:12

Ni khat, thungen dingin mual tungah Jesu pai a, zan tawntung Pasian kiangah thu ngenin a om hi.

Mattiu 14:13

Jesu in tua thu a zak ciangin tua mun panin kihem khia-in gamdaihna mun a zuan dingin gunkuang tawh a pai hi. Mite in ama pai khiatna thu a theih uh ciangin a khua ciat panun lei lam tawnin Jesu nung hong zui uh hi.

1 KUMPI MASATE 18:33

Tua ciangin amah in a ngeina bangin a sing koih a, a bawngtal semnenin a sing tungah koih hi. Tua ciangin amah in, “Beel li sungah tui dim unla, meihal biakna tau tung le a sing tungah sung un,” a ci hi.